Grýla gerir uppreisn fyrir fullu húsi
Einn jólasveinanna þrettán í jólaleikritinu Grýla gerir uppreisn hjá Leikfélagi Vestmannaeyja. Mynd af Facebook-síðu Leikfélags Vestmannaeyja.

Leikfélag Vestmannaeyja frumsýnir jólaleikritið Grýla gerir uppreisn í dag, föstudaginn 20. nóvember. Uppselt er á sýningar helgarinnar en tvær sýningar verða um þarnæstu helgi, laugardaginn 28. og sunnudaginn 29. nóvember, báðar klukkan 15.

Grýla fær nóg

Leikritið er eftir Ölmu Eðvaldsdóttur og fjallar um Grýlu sem hefur séð ein um heimilið í hundruð ára. Nú hefur hún fengið nóg og felur jólasveinunum þrettán að finna kjöt í jólamatinn og óþekkan krakka til að þrífa hellinn.

Verkefnið reynist bræðrunum snúnara en þeir gera ráð fyrir. Sagan gerist á þeim þrettán nóttum sem jólasveinarnir gefa í skóinn.

Alma skrifaði verkið á sínum tíma fyrir Leikfélag Vestmannaeyja. Í kynningu á vef Vestmannaeyjabæjar kemur fram að félagið eigi leikritið og sjái sjálft um leikstjórnina til að halda kostnaði við uppsetninguna niðri.

Miðar á sýningar næstu helgar

Miðaverð er 4.200 krónur. Hægt er að panta miða í síma 852-1940 eða senda leikfélaginu skilaboð á Messenger, að því er fram kemur á Facebook-síðu félagsins.

Nýjustu fréttir

Grýla gerir uppreisn fyrir fullu húsi
Viðar kvaddi tónlistarskólann á trommunum – myndir
Feðgar mætast í þýsku B-deildinni í kvöld
Segja skattóvissu draga úr hringsiglingum
Dýpkunarskipið Sebastiano Caboto í Vestmannaeyjahöfn
ÍBV steinlá gegn Fram í Eyjum
Frá briminu upp yfir bæinn – myndband
Eyjamenn vilja komast aftur á sigurbraut gegn Fram
Eyjafréttir
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.