Gul viðvörun og ábending frá Herjólfi
Gul V 290325
Skjáskot/vedur.is

Veðurstofan hefur gefið út gular viðvaranir vegna veðurs á Suðurlandi, Faxaflóa, Breiðafirði, Vestfjörðum og á Suðausturlandi.

Á Suðurlandi tekur viðvörunin gildi á morgun, 30 mars kl. 14:00 og gildir til kl. 17:00. Suðaustan 13-20 m/s, hvassast við fjöll. Snjókoma og lélegt skyggni, einkum á Hellisheiði og í Þrenglsum.

Í tilkynningu frá Herjólfi ohf. er þeim farþegum – sem ætla sér að ferðast með skipinu á morgun, sunnudag bent á – að samkvæmt spá á ölduhæð að fara hækkandi seinni part dagsins sem og allan mánudaginn, 31. mars. Þá er útlit ekki gott til siglinga hvorki til Landeyjahafnar né Þorlákshafnar fyrri hluta mánudags.
Eru farþegar sem eiga þess kost hvattir til þess að ferðast fyrr enn seinna. Ef gera þarf breytingu á áætlun, þá gefur skipafélagið það út um leið og það liggur fyrir. Á þessum árstíma er alltaf hætta á færslu milli hafna og því ekki æskilegt að skilja eftir farartæki í annarri hvorri höfninni, segir í tilkynningunni.

Veðurhorfur á landinu næstu daga

Á mánudag:
Suðvestan 13-20 m/s, hvassast á Norðurlandi. Rigning eða slydda framan af degi og síðar él, en úrkomulítið norðaustantil. Dregur úr vindi seinnipartinn, en gengur í suðaustan 10-15 með slyddu eða rigningu S-til um kvöldið. Hiti 1 til 6 stig.

Á þriðjudag:
Suðlæg átt, 8-15 m/s og rigning eða slydda, en lengst af þurrt norðaustantil. Hiti 1 til 10 stig, hlýjast eystra.

Á miðvikudag:
Vestlæg átt, kaldi eða strekkingur og él eða dálítil snjókoma. Hiti nærri frostmarki.

Á fimmtudag:
Hæg sunnanátt og skýjað með köflum, en kaldi og sums staðar væta vestast. Hlýnandi veður.

Á föstudag:
Útlit hæga vinda og hlýindi. Skýjað á vestanverðu landinu, en annars yfirleitt léttskýjað.
Spá gerð: 29.03.2025 08:18. Gildir til: 05.04.2025 12:00.

Hugleiðingar veðurfræðings

Suðaustur af landinu er lægð á hreyfingu austur og vindur því austlægur. Allhvasst og talsverð snjókoma á Suðausturlandi til kvölds, en annars mun hægara og úrkomuminna. Dregur síðan úr vindi og úrkomu í kvöld og nótt og víð avægt frost.

Morgundagurinn byrjar rólega, en ný lægð nálgast að sunnan og gengur þá í allhvassa eða hvassa austan- og suðaustanátt með snjókomu eða slyddu, en síðar rigningu og hlýnar í veðri, hvassast syðst. Úrkomulítið norðaustanlands til kvölds, en síðar snjókoma með köflum.

Lægðin er komin yfir Vestfirði á mánudagsmorgun og snýst þá í allhvassa eða hvassa suðvestanátt með slyddu eða rigningu, en síðar éljum. Næsta lægð kemur síðan á mánudagskvöldi með rigningu eða slyddu syðra.
Spá gerð: 29.03.2025 16:14. Gildir til: 30.03.2025 00:00.

Nýjustu fréttir

Stjórnmál
Íris ætlar að ganga í Sjálfstæðisflokkinn
Íþróttir
Arnór með fimm mörk í jafntefli Karlskrona
Stjórnmál
Rannveig Ís­fjörð sækist eftir 4. sæti í prófkjöri Sjálfstæðisflokksins
Sjávarútvegur
Systurskipin landa fullfermi
Áhugavert
Golfvöllurinn í Eyjum tilnefndur til alþjóðlegra verðlauna
Stjórnmál
Aníta sækist eftir 2. sæti í prófkjöri Sjálfstæðisflokksins
Stjórnmál
Enginn úr núverandi meirihluta gefur kost á sér áfram
Fréttir
Síðasti séns! Taktu þátt í að móta menningarstefnu Vestmannaeyja
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.