Haustfundir BSSL í sauðfjárrækt voru haldnir dagana 19. og 20. nóvember.

Fundirnir voru vel sóttir af bændum og mættu 170 manns á fundina í sýslunum fjórum. Þórey Bjarnadóttir fór yfir hauststörfin, Sveinn Sigurmundsson sagði fréttir frá Sauðfjársæðingarstöð Suðurlands og Jón Viðar Jónmundsson frá BÍ fór yfir hrútakost stöðvarinnar og hver staða ræktunarinnar væri í dag m.t.t sæðingahrútanna. Veitt voru verðlaun fyrir stigahæstu lambhrútana og veturgömlu hrútana og eldri hrútar voru verðlaunaðir fyrir BLUP kynbótamat.