Heiður að taka þátt í frumflutningi þjóðhátíðarlagsins

Kvennakór Vestmannaeyja tók þátt í þjóðhátíðarlaginu í ár í annað skiptið. Kristín Halldórsdóttir meðstjórnandi Kvennakórs Vestmannaeyja og frumkvöðull kórsins sagði frá stofnun kórsins og þeirri upplifun að fá að taka þátt í þessu skemmtilega verkefni í 15. tbl Eyjafrétta.

Skellti í Facebook færslu

Kvennakór Vestmannaeyja var stofnaður árið 2020 þegar Kristín Halldórsdóttir tók þá ákvörðun að skella í eina Facebook færslu á síðunni “Kvenfólk í Eyjum” og kanna hvort hún fyndi ekki nokkrar konur sem hefðu áhuga á að stofna sönghóp eða jafnvel lítinn kór. “Ég veit nefnilega að það er ótrúlega mikið af Eyjamönnum sem elska að syngja og held að það sé okkur í blóð borið. Það stóð ekki á viðbrögðum við þessari færslu minni en 180 kommentum síðar var ákveðin stofnfundur kórsins 1. mars 2020.

 Á sjötta tug kvenna mætti á stofnfundinn og hófust æfingar stuttu síðar. Starfið hefur samt ekki gengið áfallalaust fyrir sig og nokkrir hnökrar hafa vissulega verið á starfi og rekstri kórsins síðan þá. Við könnumst öll við orð eins og hópamyndanir, fjöldatakmörk og sóttvarnarreglu og setti sú uppákoma sannarlega strik í reikninginn hjá þessum nýstofnaða kór strax í upphafi bæði varðandi æfingar og rekstur kórsins sem varð rosalega þungur á þessum tíma. En með dyggri aðstoð nokkurra fyrirtækja hér í Eyjum tókst okkur að halda þessu öllu gangandi og erum við þeim fyrirtækjum ævinlega þakklátar. Í dag eru 30 konur starfandi í kórnum og ótrúlega skemmtilegur og fjölbreyttur hópur.“  

 Tóku þátt í þjóðhátíðarlaginu annað árið í röð 

“Þetta er annað árið í röð sem okkur hlotnast sá heiður að taka þátt í frumflutningi Þjóðhátíðarlagsins og þetta er alveg mögnuð tilfinning að standa uppi á þessu risastóra sviði og horfa yfir brekkuna.

Klara Elías og Emmsjé Gauti eru alveg svakalega ólíkir tónlistamenn að vinna með. Klara er með allt á hreinu og með ákveðnar skoðanir á hlutunum á meðan Gauti er rosalega slakur að eðlisfari og spilar þetta meira „as we go“. Hann er alveg hrikalega skemmtileg týpa með endalausa orku og maður er bara einhvern veginn slakur í kringum hann. Í fyrra vorum við að gera þetta í fyrsta skiptið og það var pínu svona stress í gangi kannski þess vegna en núna erum við orðnar „sjóaðar“. Gauti er ótrúlega rólegur yfir þessu þannig að það róar mann líka helling. Við hlökkum bara rosalega til og vonandi skilum við þessu vel af okkur.  

Við erum alveg svakalega þakklátar að fá að taka þátt í þessu magnaða ævintýri annað árið í röð. Það er gríðarlegur heiður fyrir svona nýjan kór að fá svona tækifæri og að heyra raddir okkar kvenna óma í útvarpi oft á dag er algjörlega ólýsanleg tilfinning”, segir Kristín að lokum. 

Nýjustu fréttir

Fréttir
Kallað eftir hugmyndum fyrir Goslokahátíð 2026
Herjólfur
Ein ferð í Landeyjahöfn
Áhugavert
Heilsurækt við Íþróttamiðstöðina boðin út á ný eftir kærumál
Aðsent
Góður mánudagur sem varð enn betri!
Sjávarútvegur
Fimm skip til loðnuleitar
Vinnslustöðin
Löndun Breka VE í Grundarfirði – flókið verkefni og fumlaus vinnubrögð
Áhugavert
Gong slökun, endurstilling í hraða nútímans
Fréttir
Bæjarráð gagnrýnir samgönguáætlun
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.