Helgi á loðnuvertíð eftir fimm ára hlé:

Helgi Valdimarsson verður 75 ára á árinu hætti til sjós 2018 en sló til þegar kall kom frá Ísfélaginu, það vantaði vanan mann í brúna á Suðurey VE á loðnuvertíðinni. Helgi sló til og sér ekki eftir því, skipið gott, áhöfnin hress og skemmtileg og kunni til verka. Punkturinn yfir i-ið var svo einstaklega góð og gjöful vertíð og afraksturinn var góður.

„Þá má heldur ekki gleyma því að mér við hlið var hinn rétti skipstjóri Suðureyjar, Pétur Andersen, frábær samstarfsmaður í einu og öllu,“ segir Helgi sem ekki fer fram með látum, það kemur í ljós þegar rætt er við hann. Er á heimavelli í brúnni á Suðurey að lokinni vertíð. „Ég kem frá Neskaupstað og byrjaði sem skipstjóri á skipum Síldarvinnslunnar, Beiti og Berki og Blæng sem þá var rækjutogari og frystum við aflann um borð. Kom til Eyja árið 2000 til Vinnslustöðvarinnar. Byrjaði á litlu Kap og var nokkur ár með Sighvat Bjarnason sem var mjög góður bátur. Skilaði sínu vel, og endaði svo með Ísleif,“ segir Helgi sem unni hag sínum vel í Eyjum og hjá Vinnslustöðinni.

Fyrst á loðnu 1969

Ekki veit hann hvar í röðinni loðnuvertíðin í ár er en fyrst fór hann á loðnu 1969. „Ég var þá annar stýrimaður á Bjarti gamla en tímarnir eru breyttir og skipin stærri og öflugri. Við vorum ekki einu sinni komnir með dælu þá, aflinn háfaður um borð eins og var á mörgum bátum á þessum tíma.“

Síðan hefur hann verið á sjó og kunnað vel við sjómennskuna. „Það datt þó í kollinn á mér í byrjun níunda áratugarins  hvort ekki væri rétt að fara að smíða eða eitthvað. Það var ekki lengi,“ segir Helgi og hlær. „Sama var árið 2000. Þá var ég farinn að huga að einhverri vinnu í landi en var bent á að það vantaði skipstjóra hjá Vinnslustöðinni og byrjaði þar um áramótin á litlu Kap.“

Helgi hætti á sjó 2018, árið sem hann varð sjötugur. „Er búinn að vera í landi síðan, þangað til í vetur. Þetta hefur bara verið frábært. Ég hef ekki oft tekið þátt í skemmtilegra verkefni. Kom skemmtilega á óvart því það var ekki reiknað með miklu. Suðurey var skipið sem átti að grípa til en við vorum á fullu allan tímann. Fínn mannskapur og ef ég ætti að gefa vertíðinni einkunn, er það tíu. Veiði og veður allan tímann. Það hittist líka vel á að það var búið að gera vel við veiðarfæri hjá Ísfélaginu og nótin því í  fínu standi þannig að hún skilaði öllum aflanum okkar.“

Ætlarðu að halda áfram? „Nei. Ég held ekki. Nú eru það bara rólegheit.“

En ef kallið kemur? Nú hlær Helgi. „Það er spurning um hvernig standi maður verður í, 75 ára. Ef maður hefur heilsu til að synda og ganga heldur maður sér í nokkuð góðu lagi. Hreyfingin er besta meðalið,“ segir Helgi og bætir við. „Ég var með lögheimili mitt hér í Eyjum þar til í fyrra haust. Flutti strax heimilisfangið þegar ég fór að vinna hérna. Finnst alveg sjálfsagt að borga skatta þar sem maður hefur atvinnu.“

 

Nýjustu fréttir

Vinnslustöðin
Eyjafiskur í mikilli sókn vestanhafs
Áhugavert
Segja forsendur útboðs heilsuræktar hafa breyst verulega
Íþróttir
ÍBV tekur á móti ÍR
Áhugavert
Óvenjulegar eignfærslur og tafir á afhendingu gagna
Fréttatilkynning
Opið hús hjá Krabbavörn
Áhugavert
Fermingar á næsta leyti
Áhugavert
Bent kemur fram á Hljómey!
Fréttir
Skyndihjálparnámskeið hjá Visku um helgina
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.