Hvað á að gera við Blátind?
Fundur framkvæmda- og hafnarráðs Vestmannaeyja fór fram í gær en þar var Blátindur VE meðal annars til umræðu. En þann 5. mars síðastliðinn var Blátind komið á þurrt í upptökumannvirkjum Vestmannaeyjahafnar, en skipið losnaði af stæði sínu við Skansinn í aftakaveðri 14. febrúar. Báturinn sökk síðan við Skipalyftubryggjuna. Köfununarþjónustan GELP sá um að koma lyftibelgjum á Blátind og lyfta honum, en skipið var síðan dregið á pall upptökumannvirkjanna. Ljóst er að talsvert tjón hefur orðið á skipinu í hrakningunum um höfnina.

Meta kostnað við förgun
Framundan er að meta ástand bátsins, gera kostnaðaráætlanir og greiningar um hvernig best sé að varðveita hann, eins þarf að meta kostnað við förgun ef til þess kæmi. Nú þegar er kostnaður kominn yfir fjórar milljónir.

Á þurru til að byrja með
Í niðurstöðu ráðsins kemur fram að losa þarf skipalyftupallinn fyrir 22. mars. Þá er stefnt að viðhaldi á lyftupalli. Það eru tveir möguleikar í stöðunni annarsvegar er að negla vatnsheldann krossvið yfir göt á síðunni og setja bátinn á flot og geyma hann í smábátahöfninni þar til fyrir liggur hvað á að gera við bátinn. Hinn möguleikinn er að græja vagnana norðan við lyftupallinn og setja bátinn á þá og draga hann svo á svæðið norðan við lyftuhúsið. Þar getur báturinn verið óáreittur þangað til niðurstöður kostnaðar áætlana liggja fyrir. Einnig er hann þá á þeim stað sem hægt er að vinna í honum ef það verður niðurstaðan. Það að geyma bátinn í þessu ástandi á hafnarsvæðinu er ekki í forsvaranlegt vegna hættulegs ástands bátsins og þar fyrir utan verður að vera með stöðuga dælingu úr honum. Ekki er hægt að fara með bátinn aftur á Skanssvæðið í því ástandi sem hann er.

Við teljum skynsamlegast að koma bátnun norður fyrir lyftupallinn. Þar gefst okkur tími til að vinna vandaða kostnaðaráætlun og taka yfirvegaða ákvörðun um framhaldið, án þess að báturinn sé tifandi slysagildra í höfninni.

 

Skoða þrá möguleika
Ráðið felur framkvæmdastjóra að láta vinna kostnaðarmat á þremur mögulegum framtíðarlausnum MB Blátinds.

1. Endurbyggja bátinn þannig að hann verði gerður siglingafær.
2. Koma bátum fyrir á Skanssvæðinu í sýningarhæfu ástandi.
3. Farga bátnum.
Framkvæmda- og hafnarráð þakkar köfunarþjónustunni Gelp og starfsmönnum Vestmannaeyjahafnar fyrir vel unnin störf við upptöku Blátinds.

Nýjustu fréttir

Íþróttir
ÍBV tapaði gegn Val í lokaleik Olís deildarinnar
Áhugavert
Enginn kemst áfram í lífinu á ljóðum einum saman
Úr blaði Eyjafrétta
Hugmyndin að húsinu fæddist eftir samtal við vini
Myndband
Vorlykt í lofti
Fréttatilkynning
Framboðslisti Sjálfstæðisflokksins lagður fyrir fulltrúaráðið
Áhugavert
Jói Listó – Ótrúlegur ferill mikils listamanns
Íþróttir
Toppliðin takast á í lokaleik Olísdeildarinnar
Fréttir
Gular viðvaranir allvíða – Suðaustanhríð á Suðurlandi
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.