Um jólin er kirkjusókn landsmanna ávallt með mesta móti. Prestar Landakirkju hafa í mörgu að snúast þessa daga. Dagskrá Landakirkju yfir jólin er þannig: Aðfangadagur jóla, 24. desember: Kl. 14. Helgistund í Kirkjugarði Vestmannaeyja. Tendrað á útikertum til að bera að leiðum ástvina eftir bæn og blessun í miðju garðsins. Kl. 18. Aftansöngur með hátíðarsöngvum. Einleikur á flautu. Kór Landakirkju. Organisti Guðmundur H. Guðjónsson. Sr. Kristján Björnsson prédikar. Sr. Guðmundur Örn Jónsson þjónar fyrir altari.