Ársfundur Lífeyrissjóðs Vestmannaeyja verður haldinn í dag. Tryggingafræðileg staða sjóðsins er neikvæð um 6.522 milljónir króna eða 5,2% af heildarskuldbindingum en í árslok 2022 var staðan neikvæð um 5.008 millj.kr. eða 4,3%.

Eyjar.net spurði Hauk Jónsson, framkvæmdastjóra sjóðsins um hverjar séu stærstu fjárfestingar sjóðsins í fyrra og það sem af er þessu ári.

Stærstu einstöku fjárfestingar innanlands árið 2023:

• Ísfélag 328, 6 milljónir  kr. hlutabréf
• Lucinty Group 207,5 milljónir kr. breytanlegt skuldabréf
• Reykjavíkurborg, græn skuldabréf 186,9 milljónir kr.

Stærstu einstöku fjárfestingar innanlands árið 2024, miðað við 7. maí 2024 eru:

• SRE III (Heimavellir)  340,5 milljónir kr. , hlutdeildarskírteini
• Amaroq 312 milljónir kr., hlutabréf
• Laxey hf. 225 milljónir kr., hlutabréf

Aðspurður um tryggingafræðilega stöðu LSV sem er neikvæð um 5,2% segir Haukur að það kalli ekki á skerðingu lífeyrisréttinda.

„Staðan þarf að vera yfir 10% neikvæð til þess að skerða réttindi, eða verða samfellt yfir -5% í 5 ár. Sjóðurinn er á 1. ári yfir – 5%.

Þess ber að geta að afar góð ávöxtun sl. ára gerði sjóðnum kleift að hækka réttindi allra sjóðfélaga í ársbyrjun 2023, allir lífeyrisþegar hjá sjóðnum hækkuðu um 10,3% í greiðslum.

Hér að neðan er samantekt á 5 og 10  ára ávöxtun lífeyrissjóða, sem skýrir hvers vegna okkur er mögulegt að auka við réttindi eins og við gerðum í ársbyrjun 2023.“

segir Haukur.

https://eyjar.net/lsv-017-raunavoxtun-i-fyrra/