KFS tryggði sér sæti í úrslitum 3. deildar með fræknum sigri á Ægi í Þorlákshöfn í dag. KFS dugði ekkert minna en sigur en Ægismenn höfðu ekki tapað heimaleik í sumar. Auk þess hafði KFS ekki gert neinar rósir í Þorlákshöfn á undanförnum árum þannig að sagan var svo sem ekki á bandi Eyjamanna. En það var ekki spurt að því í dag, lokatölur urðu 1:2 eftir að staðan í hálfleik hafði verið 1:1. KFS mætir svo nágrönnum sínum í Árborg í úrslitum þar sem leikið er heima og heiman en fyrri leikur liðanna verður í Eyjum á laugardaginn.