Lægri álögur – betri þjónusta!

Eyjafréttir
·
Stjórnmál
·
24. september 2019

Á haustin hefst hjá hverju sveitarfélagi vinna við gerð fjárhagsáætlunar komandi árs þar sem kemur fram hvernig tekna verður aflað og hvernig þeim fjármunum verður ráðstafað. Við slíka vinnu þurfa sveitarstjórnir að meta þjónustuna sem sveitarfélagið veitir, hvaða framkvæmda þurfi að ráðast í og hvernig útgjöld sveitarfélagsins verði fjármögnuð.

Stefna bæjarins er að veita íbúum bestu mögulegu þjónustu. Þannig hefur stefnan verið sett sérstaklega á þjónustu við barnafjölskyldur. Að því marki hafa verið stigin skref til eflingar stoðkerfis grunnskólans og leikskólagjöld að sama skapi verið aftengd vísitölu og ekki hækkað. Slíkar aðgerðir miða að því að gera Vestmannaeyjabæ að eftirsóttum búsetukosti fyrir fjölskyldufólk.

Í sumar varð ljóst að fasteignamat á landinu kæmi til með að hækka umtalsvert á næsta ári. Einna mest verður hækkunin í Vestmannaeyjum eða um 16,6% af íbúðarhúsnæði. Álagning fasteignagjalda er einn helsti tekjustofn sveitarfélaga og því ljóst að forsendur fyrir þeim tekjum hafa gerbreyst.

Fjárhagsleg staða Vestmannaeyjabæjar er sterk. Til þess að bregðast við mikilli hækkun fasteignamats samþykkti bæjarráð síðastliðinn þriðjudag að leggja til við bæjarstjórn að fasteignaskattsálagning lækki úr 0,33% í 0,291%. Þetta þýðir í sem fæstum orðum að þrátt fyrir mikla hækkun fasteignamats hækki álögur á íbúa ekki nema því sem nemur vísitöluhækkun. Að sama skapi er lagt til að álagning á atvinnuhúsnæði lækki úr 1,65% í 1,55% á næsta ári sem er vonandi liður í því að skapa hagstæðara umhverfi fyrir rekstur fyrirtækja í bænum.

Í lífskjarasamningunum sem undirritaðir voru í vetur var sérstaklega ræddur þáttur ríkis og sveitarfélaga í því að gæta að stöðugleika íslensks efnahagslífs. Með því að lækka nú álagningu fasteignagjalda tekur Vestmannaeyjabær forystu í því að viðhalda verðstöðugleika og halda kaupmætti áfram háum.

Það er því sérstaklega ánægjulegt að leggja til lækkun á álagningarprósentu fasteignagjalda bæði á íbúða- og atvinnuhúsnæði og ég trúi ekki öðru en að samhljómur verði um tillöguna á fundi bæjarstjórnar næstkomandi fimmtudag. Hefur álagningarprósentan lækkað úr 0,35% í 0,291% frá árinu 2018.

Njáll Ragnarsson.

Nýjustu fréttir

Íþróttir

Kristín Klara lék í sigri Íslands á Serbíu

Íþróttir

Þar sem andinn er góður og stemningin í klefanum frábær

Kynning

Bílaumboðið Una selur XPENG bíla á Íslandi

Áhugavert

Árni Árnason – Þurrabúðarlíf í Eyjum um aldamótin 1900

Bæjarmálin

34,8 milljónir í fjárhagsaðstoð í fyrra

Úr blaði Eyjafrétta

Safna fyrir innileikvelli fyrir börn

Fréttir

85 ára saga Rauða krossins í Eyjum – opið hús í Arnardrangi á sunnudag

Úr blaði Eyjafrétta

Skýr skilaboð frá flokksmönnum

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki