Lítum fram á veginn - Eyjafréttir

Eyjafréttir
·
Fréttir, Stjórnmál
·
28. febrúar 2022

Lítum fram á veginn

Það er mikil gæfa að alast upp og búa í Vestmannaeyjum. Hefur mér gefist það einstaka tækifæri að taka þátt í bæjarmálum Vestmannaeyjabæjar fyrir hönd Sjálfstæðisflokksins og vera þannig virkur þátttakandi í samfélaginu, byggja það og bæta. Á þessum tíma hef séð bæinn okkar bæði vaxa og dafna, sem og takast á við ýmsar áskoranir og áföll.

Á undanförnum árum hef ég kynnst mörgum hliðum sveitarfélagsins, í senn sem starfsmaður Vestmannaeyjabæjar, frambjóðandi, varabæjarfulltrúi, nefndarmaður og fyrrverandi formaður umhverfis- og skipulagsnefndar.

Í starfi mínu hjá félagsþjónustunni hef ég kynnst vel að hið daglega líf er mörgum erfitt og krefjandi. Ætíð hef ég reynt mitt allra besta til þess að aðstoða einstaklinga við að takast á við þau flóknu og margbreytilegu verkefni sem lífinu fylgja og við ráðum misvel við.

Samhliða hef ég svo komið að ýmsum stórum og skemmtilegum verkefnum sem samfélagið hefur notið góðs og gaman af. Þar má nefna skipulag Goslokahátíðar sem ég annaðist um margra ára skeið og setu mína sem stjórnarformaður Eyjasýnar, útgefanda Eyjafrétta, þar sem ég hef fylgt eftir útgáfu eins elsta héraðsmiðils landsins sem ritað hefur sögu okkar samfélags í um hálfa öld.

Ég brenn fyrir það samfélag sem okkur öllum er svo annt um. Mig langar áfram að hafa jákvæð áhrif og leggja hönd á plóg við stefnumótun og framtíðarsýn samfélagsins. Ég tel að tímapunkturinn nú sé sá rétti, eftir að hafa náð ágætri heilsu í kjölfar alvarlegra veikinda. Ég finn innra með mér ákall og áminningu að nýta þann tíma vel sem manni er gefinn til þess að láta gott af sér leiða. Því hef ég tekið þá ákvörðun að ganga fram af auknum krafti inn í bæjarmál Vestmannaeyjabæjar.

Með fyrrnefnd dæmi í farteskinu, þekkingu, reynslu og vinnusemi gef ég kost á mér í 2. til 4. sæti í prófkjöri Sjálfstæðisflokksins fyrir komandi sveitarstjórnarkosningar.

Ég tel Sjálfstæðisflokkinn eiga fullt erindi í að skipa meirihluta í bæjarstjórn Vestmannaeyjabæjar á ný. Hljóti ég umboð til mun ég berjast fyrir því, íbúum öllum til heilla. Ég veit að tækifæri sveitar- og samfélagsins hér eru óþrjótandi, líkt og þau hafa alltaf verið. Við munum eiga fjölbreytta framtíð, líkt og fortíð okkar var. Dugnaður, samstaða og framsækni mun áfram einkenna framtíð Eyjamanna. Ég vil líta fram á veginn og óska eftir þínum stuðningi til góðra verka.

Margrét Rós Ingólfsdóttir
margret.ingolfsdottir@gmail.com

Nýjustu fréttir

Íþróttir

Jafnt hjá ÍBV og Fram í Lengjubikar kvenna

Íþróttir

Tómas Bent og félagar í Hearts aftur á sigurbraut

Íþróttir

ÍBV vann Suðurlandsslaginn

Aðsend grein

Öflug barátta og samstaða skipar öndvegi í framtíð Eyjanna

Bæjarmálin

Engin börn í vistun utan Vestmannaeyja

Bæjarmálin

Grípa þarf til aukasundkennslu eftir langvarandi lokun

Íþróttir

Suðurlandsslagur í Eyjum

Fréttir

Herjólfur til Landeyjahafnar seinni partinn

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki