Míla vinnur að því að uppfæra fjarskiptakerfi sín með lagningu ljósleiðara til heimila og fyrirtækja í Vestmannaeyjum og hafa nú þegar 359 heimili og fyrirtæki í bænum kost á því að nýta ljósleiðara Mílu. Í þessari viku var lokið við að tengja heimili við Áshamar, Foldahraun, Kleifahraun og Sóleyjargötu á ljósleiðara Mílu og geta íbúar þar nú pantað þjónustu hjá sínu fjarskiptafyrirtæki.

Míla er langt komin með að tengja þau heimilisföng sem fyrir lá að tengja á þessu ári og á næsta ári verður haldið áfram á fullum gangi við að tengja enn fleiri heimili. Verkið er unnið í samstarfi við jarðvinnuverktakana Brinks ehf. og HS vélaverk ehf. ásamt Geisla sem er samstarfsaðili Mílu í Vestmannaeyjum.

Á heimasíðu Mílu www.mila.is/panta-tengingu geta heimili sem komin eru með tengingu við ljósleiðarann pantað þjónustu hjá fjarskiptafyrirtæki að eigin vali.   Fjarskiptakerfi Mílu eru opin kerfi og því geta öll fjarskiptafyrirtækin boðið þjónustu sína um ljósleiðara Mílu.