Laugardaginn 24. maí næstkomandi mætir Ingibjörg Magnúsdóttir, margfaldur Íslandsmeistari í pílu til Eyja og verður með námskeið fyrir konur sem eru að stíga sín fyrstu skref í pílukasti. Ingibjörg er með áralanga reynslu í íþróttinni, bæði sem keppandi og þjálfari, og hefur meðal annars keppt við stór nöfn á borð við Fallon Sherrock. Auk námskeiðsins mun Ingibjörg vera viðstödd æfingu ungmenna og veita þeim hagnýt ráð. 

Viðburðurinn er hluti af DigiDarts, alþjóðlegu samstarfsverkefni fimm þjóða – Austurríkis, Íslands, Rúmeníu, Ungverjalands og Tyrklands – sem hefur það að markmiði að efla þátttöku kvenna, barna og fatlaðra í pílukasti. Verkefnið er að hluta styrkt af Evrópusambandinu.

Námskeiðið fer fram kl 19:30-21:30 í pílusal Vestmannaeyja.