Mega Eyjamenn ekki vita kostnaðinn ?

Eyjafréttir
·
Fólkið
·
14. nóvember 2018

Þar sem eyjamiðlarnir eru duglegir við að upplýsa bæjarbúa úr fundargerðum Vestmannaeyjabæjar, þá er tilefni til að skrifa um afar sérstaka bókun frá nefndarmönnum E og H listans í Umhverfis og Skipulagsráði þann 13.nóvember 2018 sem sjá má á heimasíðu Vestmannaeyjabæjar. Ég varð orðlaus þegar ég las þessa bókun í heild sinni og þurfti að lesa hana nokkrum sinnum til að fullvissa mig um skilning á henni.

Eins og flestir vita þá er þjóðhátíðin það mikilvæg fjáröflun fyrir ÍBV Íþróttafélag og marga rekstraraðila í bænum, að bæjarbúar taka almennt höndum saman um að sína mannmergðinni þolinmæði og skipuleggjendur hátíðarinnar leggjast á eitt með að koma þessu þannig fyrir að sem minnst röskun verði í íbúðahverfum bæjarins. Ein af stóru ákvörðunum fyrir nokkrum árum var að Vestmannaeyjabær ákvað að svara kvörtunum bæjarbúa með tjaldsvæði á lóðum um allan bæinn, með því að girða stóra óbyggða lóð við Áshamar og bjóða uppá tjaldsvæði á meðan hátíðin stæði yfir. Almennt voru bæjarbúar ánægðir með þetta framtak, þó svo að íbúar við Áshamar hafi fengið meiri umferð í sínu hverfi, þá sjá allir að einhvernveginn þarf að leysa þessi mál og þótti þetta góð lausn.

Nú sér E listinn sér ekki annað fært en að bóka gegn þessu fyrirkomulagi mörgum árum eftir að þetta byrjaði og segja að þetta hafi aldrei verið afgreitt í kerfinu og gefið í skyn að eitthvað óeðlilegt sé í gangi. Hefði E listinn ekki mátt gera athugasemdir við þetta fyrr ef þau höfðu eitthvað við þetta að athuga ?

Síðan kemur rúsinan í pylsuendann í bókuninni frá E og H listanum. En þar eru fulltrúar Sjálfstæðisflokksins gagnrýndir fyrir það að gefa Eyjamönnum og skattgreiðendum upp áætlaðan kostnað við nýtt tjaldsvæði uppá þriðja tug milljóna sem notað væri 5 daga á ári. Í bókuninni er okkur bent á að það sé ekki okkar verkefni að meta kostnað við ákvarðanir. En margoft höfum við bent þeim á ódýrari lausnir í þessu máli þó svo að þau kjósi að segja annað.

Almennt tíðkast reyndar a.m.k. hjá opinberum aðilum að gefa upp kostnaðarmat áður en farið er í útboð. H og E listinn vilja breyta þessu. Enginn má vita hversu marga tugi milljóna tjaldsvæðið eigi að kosta fyrr en kostnaðurinn er fallinn. Var ekki lofað gagnsæi ?

Ég vona að Sérfræðingarnir í E og H listanum vinni ekki lengi í ráðum bæjarins með þann skilning að leiðarljósi að fjármunir skipti ekki máli við ákvarðanatökur – ef ekki þá verða þau ekki lengi að sigla skútunni í strand.

Eyþór Harðarson, nefndarmaður í Umhverfis og skipulagsráði fyrir Sjálfstæðisflokkinn.

Nýjustu fréttir

Áhugavert

Tengdadæturnar Sigurlaug, Emma og Inga lét til sín taka

Almennt

Frábær skráning á sundnámskeið á vegum Vestmannaeyjabæjar

Fréttir

Framleging á flugi samþykkt fram í miðjan apríl

Úr blaði Eyjafrétta

Aleksandar Linta nýr þjálfari Eyjamanna

Aðsent

Ágúst Gísli kom, sá og sigraði

Aðsend grein

Fótboltaskóli ÍBV og Heildverslun Karls Kristmanns

Fréttir

Gestum boðið upp á kaffi og köku í sundlauginni

Sjávarútvegur

Landað fyrir páskastopp

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki