�?að gengur hvorki né rekur hjá karlaliði ÍBV í fótbolta í upphafi móts. Meira að segja vallarklukkan á Hásteinsvelli gafst upp í tapleiknum í kvöld gegn Víkingum en lokatölur urðu 1:2 Víkingum í vil. Baráttuandinn sem hefur einkennt ÍBV liðið undanfarna áratugi, virðist vera víðs fjarri í ár. Liðið leikur í raun verr en það gerði í undirbúningsleikjunum sem er verulegt áhyggjuefni. �?að er í raun og veru ekkert jákvætt sem hægt er að taka út úr þessum leik, nema kannski frammistaða Dean Martin, sem var besti leikmaður ÍBV í kvöld. �?að er svo aftur spurning hvort sú staðreynd að leikmaður á fimmtugsaldri sé bestur, sé jákvæð fyrir liðið eða neikvæð.

Eyjamenn áttu alls tvö skot að marki í leiknum gegn Víkingum. Tvö skot í 90 mínútur og annað þeirra rataði á rammann, vítaspyrna Víðis �?orvarðarsonar. �?essi tölfræði segir meira en þúsund orð. Sóknarleikur liðsins var enginn í fyrri hálfleik, örlítið skárri í þeim síðari en þó ekki nærri nógu markviss. Varnarleikur liðsins í heild sinni er ekki að virka nógu vel og miðjan virðist alveg týnd. Sigur Víkinga er fyllilega verðskuldaður enda voru þeir einfaldlega betri.

Staðan í hálfleik var 0:0 en Víkingar komust yfir á 55. mínútu þegar Guðjón Orri Sigurjónsson, sem stóð nú í marki ÍBV, varði fast skot Víkinga af löngu færi en náði ekki að halda boltanum þannig að eftirleikurinn varð auðveldur. Smá vonarneisti kviknaði á 72. mínútu þegar Víðir �?orvarðarson jafnaði metin úr vítaspyrnu en segja má að neistinn hafi verið slökktur mínútu síðar þegar Ian Jeffs var réttilega rekinn af velli. Jeffs tæklaði leikmann Víkings aftan frá, á miðjum vellinum þegar í raun og veru var ekkert að gerast. Klaufaleg mistök hjá þessum reynda og góða leikmanni og það á þessum tímapunkti í leiknum.

En eftir rauða spjaldið kom smá kraftur í leikmenn ÍBV. Stig hefði verið gott en tíu mínútum fyrir leikslok mistókst leikmönnum ÍBV að koma boltanum út úr eigin vítateig, þannig að boltinn féll fyrir varamanninn Aron Elís �?rándarson hjá Víkingi sem skoraði sigurmarkið af stuttu færi. Lokatölur 1:2 og ÍBV hefur nú aðeins eitt stig eftir fyrstu fimm leikina. Og það er ekki bara að uppskeran í stigum talið sé rýr, spilamennska liðsins, fas leikmanna inni á vellinum og baráttuleysið er eitthvað sem þarfnast verulegra úrbóta, og ekki seinna en strax. �?ótt mótið sé aðeins nýhafið, er ÍBV með bakið upp að vegg, sem er alls ekki gott. Liðið er á botni deildarinnar en nú er það í höndum leikmanna að spyrna við fótum.