Óbyggðanefnd fellst ekki á beiðni ráðherra
Þórdís_kolbrun_eyjar (1000 x 667 px) (1)
Þórdís Kolbrún R. Gylfadóttir fjármála- og efnahagsráðherra. Mynd/samsett

Óbyggðanefnd tók beiðni fjármála- og efnahagsráðherra fyrir í vikunni um að nefndin endurskoði afstöðu sína og hefji að nýju málsmeðferð um eyjar og sker með þeim hætti sem ráðuneytið óskaði eftir í mars 2023.

Í morgun sendi óbyggðanefnd svarbréf til ráðuneytisins þar sem ekki er fallist á beiðnina, með þeim rökum sem þar greinir. Í því sambandi var einkum horft til þess að slíkt væri að mati nefndarinnar ekki til þess fallið að einfalda málsmeðferðina gagnvart hugsanlegum rétthöfum á svæði 12.

Eyjar.net sendi í gær fyrirspurn til Sigmars Arons Ómarssonar, framkvæmdastjóra óbyggðanefndar varðandi málið og fékk neðangreint svar.

Í bréfi frá fjármála- og efnahagsráðherra, sem barst nefndinni 16. febrúar, er þess óskað að óbyggðanefnd falli frá núverandi málsmeðferð á svæði 12, sem hófst 19. apríl 2023, og hefji nýja málsmeðferð á svæðinu með viðbótarþrepi skv. 10. gr. a. þjóðlendulaga.

Samkvæmt því ákvæði, sem var bætt í þjóðlendulögin árið 2020, var nefndinni heimilt að byrja málsmeðferðina á svæði 12 á því að skora á alla þá sem kalla til eignarréttinda þar, þ.e. öðrum en ríkinu, að lýsa réttindum sínum fyrir nefndinni áður en nefndin veitti fjármála- og efnahagsráðherra, f.h. ríkisins, frest til að lýsa kröfum ríkisins um þjóðlendur. Að loknum slíkum kröfulýsingarfresti og að framkomnum kröfum ríkisins yrði aftur skorað á þá sem kalla til eignarréttinda á svæðum sem kröfur ríkisins tækju til að lýsa kröfum fyrir nefndinni.

Þegar svæði 12 var tekið til meðferðar í apríl 2023 skoðaði nefndin vandlega hvort hagræði þætti af því að viðhafa þetta viðbótarþrep við hefðbundna málsmeðferð. Mat nefndarinnar var að viðbótarþrep væri hvorki til þess fallið að gera gagnaöflun markvissari né að fækka þeim sem þyrftu að gerast aðilar að málum fyrir óbyggðanefnd. Þvert á móti taldi nefndin að viðbótarþrep kynni að leiða til þess að málsmeðferð á svæðinu tefðist auk þess sem það væri líklegt til að reynast landeigendum meira íþyngjandi og kostnaðarsamara en hefðbundin málsmeðferð. Í bréfi óbyggðanefndar til fjármála- og efnahagsráðherra 19. apríl 2023, þar sem tilkynnt var að nefndin hefði ákveðið að taka svæði 12 til meðferðar, eru færð nánari rök fyrir ákvörðun óbyggðanefndar um tilhögun málsmeðferðarinnar. Bréfið má sjá hér.

Hefðbundin málsmeðferð, eins og ákveðið var að viðhafa á svæði 12 og hefur verið viðhöfð á fyrri svæðum, felur í sér að nefndin byrjar á að veita ríkinu frest til að lýsa kröfum um þjóðlendur. Lögmenn ríkisins afla ýmissa heimilda um eignarréttindi á svæðinu og á grundvelli þeirra lýsir fjármála- og efnahagsráðherra f.h. ríkisins kröfum um þjóðlendur. Að framkomnum kröfum ríkisins skorar nefndin á þá sem telja til eignarréttinda á svæðum sem kröfur ríkisins taka til að lýsa kröfum fyrir nefndinni og jafnframt hefst þá kerfisbundin gagnaöflun á vegum nefndarinnar. Þar er málsmeðferðin stödd í dag og kröfulýsingarfrestur annarra en ríkisins er til 15. maí nk.

Ef fallist væri á beiðni fjármála- og efnahagsráðherra yrði núverandi málsmeðferð, sem hófst eins og áður segir 19. apríl 2023, hætt og hún byrjuð upp á nýtt með áðurnefndu viðbótarþrepi. Það fæli í sér að nefndin myndi byrja á því að kalla eftir því að allir sem teldu til eignarréttinda á svæði 12, þ.e. aðrir en ríkið, myndu lýsa réttindum sínum fyrir nefndinni, svo fengi fjármála- og efnahagsráðherra f.h. ríkisins frest til að lýsa kröfum um þjóðlendur á ný og svo fengju aðrir aftur frest til að lýsa kröfum.

Nefndin tók beiðni fjármála- og efnahagsráðherra fyrir í vikunni og sendi í morgun meðfylgjandi svarbréf til ráðuneytisins þar sem ekki er fallist á beiðnina, með þeim rökum sem þar greinir. Í því sambandi var einkum horft til þess að slíkt væri að mati nefndarinnar ekki til þess fallið að einfalda málsmeðferðina gagnvart hugsanlegum rétthöfum á svæði 12, segir í svari  Sigmars Arons Ómarssonar, framkvæmdastjóra óbyggðanefndar.

Svar óbyggðanefndar til ráðuneytisins má sjá hér.

https://eyjar.net/vill-ad-obyggdanefnd-endurskodi-afstodu-sina/

Nýjustu fréttir

Íþróttir
Valur kemur til Eyja eftir viðburðaríka viku
Goslok
Goslok: dagskrá laugardags
Úr blaði Eyjafrétta
Hvað vita börnin um eldgosið á Heimaey: Kristian Örn
Myndband
Blíðskaparveður og líf um allan bæ á Goslokahátíð
Fréttir
Vinnslustöðin, Huginn og VÍS sýknuð í vatnslagnarmálinu – uppfært
Áhugavert
Fjölbreytt dagskrá fyrir alla fjölskylduna
Stjórnmál
Eyjalistinn gagnrýnir að hafa ekki verið boðaður til fundar með forsætisráðherra
Fréttatilkynning
Vinnupása skilaði vinning
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.