Ólafur Sigurðsson í Vatnsdal og seinna Stapa, vörubílsstjóri, lögregluvarðstjóri, trillukarl, listmálari og ekki síst sagnamaður kynnti bók sína, Undir gjallregni í Eldheimum fyrir skömmu. Vel var mætt og við hæfi að kynna bók um Heimaeyjargosið í Eldheimum.

 Óli er 91 eins árs en bar það ekki með sér þegar hann kynnti bókina sem er persónuleg frásögn sjónarvottar af miklum sögulegum atburðum. Hún er saga af fólki sem tók hrikalegum náttúruhamförum af æðruleysi og þrautseigju í þeirri von að hægt yrði að byggja Eyjar á ný, eins og raunin varð. Sagðist Óli hafa notið aðstoðar Marý Linda Jóhannsdóttir, dótturdóttur sinnar.

Hulda systir Óla, sú mikla sagnamanneskja á kafla í bókinni og líka skrifa börn Óla og Elínar Albertsdóttur sinn kaflann hvert.

 Mynd: Óli og fjölskylda – Marý Linda, Guðjón, Ólafur, Svanhvít og Sigurður.