Orkuskipti með auknum kostnaði – það sem skjölin segja
Starfshópurinn, sem var skipaður þeim Árna Sigfússyni, Írisi Róbertsdóttur, bæjarstjóra í Vestmannaeyjum og Gísla Stefánssyni, bæjarfulltrúa, kynnti tillögur sínar á fundi í Eldheimum í október 2023. Með þeim á myndinni er Guðlaugur Þ. Þórðarson, þáverandi umhverfis-, orku- og loftslagsráðherra.

Eyjafréttir hafa undanfarið fjallað um áhrif nýrrar orkuverðskrár í Vestmannaeyjum, sem tók gildi um áramótin. Í kjölfarið hefur rafmagnsferjan Herjólfur hætt að hlaða í heimahöfn og atvinnurekendur lýst stöðunni sem „hreint út sagt hræðilegri“. Samhliða hefur bæjarstjóri Vestmannaeyja lýst áhyggjum af stöðunni í viðtali við Vísi/Bylgjuna.

Skjöl sem liggja til grundvallar lagningu nýrra raforkustrengja til Vestmannaeyja sýna hins vegar að gert var ráð fyrir auknum tekjum af raforkuflutningi sem einni af forsendum framkvæmdarinnar.

Sjá einnig: Grænar Eyjar, orkuöryggi og jarðgöng

Skýrsla starfshóps: Auknar tekjur áttu að standa undir framkvæmdinni

Í skýrslu starfshóps um eflingu samfélagsins í Vestmannaeyjum frá september 2023, sem bæjarstjóri Vestmannaeyja átti sæti í, er fjallað ítarlega um forsendur lagningar nýrra raforkustrengja til Eyja.

Á blaðsíðu 11 í skýrslunni segir meðal annars orðrétt:

„Ítrekað skal að með þessum framkvæmdum er ekki verið að kalla eftir fjárframlögum frá hinu opinbera til að standa straum af lagningu strengja og orkuflutningi til Vestmannaeyja. Færsla notenda af skerðanlegum flutningi yfir á forgangs flutning skilar auknum tekjum og stendur vel undir lagningu nýrra strengja.“

Þar kemur þannig skýrt fram að aukinn kostnaður notenda vegna færslu yfir í forgangsflutning var hluti af þeirri mynd sem lögð var til grundvallar við undirbúning verkefnisins.

Viljayfirlýsing: Orkuskipti í forgang, kostnaður ekki nefndur

Í viljayfirlýsingu sem undirrituð var 20. febrúar 2024 af ríkinu, Landsneti, Vestmannaeyjabæ, HS Veitum og helstu orkukaupendum í Eyjum – þar á meðal Herjólfi – er megináherslan lögð á orkuskipti og aukið raforkuöryggi.

Þar segir meðal annars að markmiðið sé að:

„…treysta frekar raforkuflutning til Vestmannaeyja og nýta raforku í stað annarra óumhverfisvænna orkugjafa…“

Í 3. grein viljayfirlýsingarinnar lýsa undirritaðir hagaðilar yfir vilja sínum til að leita allra leiða til að kaupa raforku í stað annarra orkugjafa.

Í viljayfirlýsingunni er hins vegar ekki sérstaklega vikið að því hvaða áhrif breytingar á flutningsfyrirkomulagi og gjaldskrám kynnu að hafa á rekstrarkostnað notenda.

Þessu tengt: Tveir nýir rafstrengir til Eyja

Skjöl og staða dagsins í dag

Eins og staðan er í dag hefur Herjólfur hætt rafhleðslu í heimahöfn og siglir á olíu, á meðan atvinnurekendur lýsa því að orkukostnaður hafi aukist verulega. Á sama tíma liggur fyrir að í undirbúningsgögnum verkefnisins var gert ráð fyrir því að færsla notenda yfir í forgangsflutning myndi skila auknum tekjum sem stæðu undir fjárfestingunni.

Spurningin sem vaknar er því hvernig þessar forsendur samræmast þeirri stöðu sem nú er komin upp, þar sem orkuskipti virðast í sumum tilvikum leiða til aukinnar notkunar jarðefnaeldsneytis. Eyjafréttir hafa óskað eftir viðbrögðum bæjarstjóra Vestmannaeyja við þessum atriðum og munu birta þau þegar þau berast.

Þessu tengt: „Önnur gjaldskrá tekur við eftir lagningu strengjanna“

Orkuskipti og raforkuflutningur til Vestmannaeyja

  • September 2023: Skýrsla starfshóps um eflingu samfélagsins í Vestmannaeyjum lögð fram. Þar segir að færsla notenda af skerðanlegum flutningi yfir í forgangsflutning muni skila auknum tekjum sem standi undir lagningu nýrra strengja.

  • 20. febrúar 2024: Viljayfirlýsing undirrituð af ríki, Landsneti, Vestmannaeyjabæ, HS Veitum og helstu orkukaupendum í Eyjum, þar á meðal Herjólfi. Markmið: orkuskipti og aukið raforkuöryggi.

  • 1. janúar 2026: Ný orkuverðskrá tekur gildi í Vestmannaeyjum.

  • 2026: Herjólfur hættir rafhleðslu í heimahöfn og siglir á olíu.

Starfshópinn skipuðu: Árni Sigfússon, formaður, Íris Róbertsdóttir, bæjarstjóri í Vestmannaeyjum, Gísli Stefánsson, bæjarfulltrúi og Kjartan Ingvarsson, lögfræðingur í umhverfis-, orku- og loftslagsráðuneytinu, sem var starfsmaður hópsins.

Nýjustu fréttir

Herjólfur
Sigla síðdegis í Landeyjahöfn
Stjórnmál
Prófkjör leið til að sameina flokkinn á ný
Laxey
Þrjú ár frá fyrstu skóflustungu í Viðlagafjöru
Fréttir
Gul viðvörun: Norðaustan hríð
Íþróttir
ÍBV vann Álaborg í æfingaleik á Spáni
Áhugavert
Dýpkun Landeyjahafnar kostaði 600 milljónir í fyrra
Úr blaði Eyjafrétta
Gamla myndin
Sjávarútvegur
Eyjarnar lönduðu fullfermi í heimahöfn
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.