The Puffin Run, víðavangshlaupið vinsæla í Vestmannaeyjum fór fram í áttunda sinn í dag. Þar hlupu um 1600 manns 20 kílómetra leið um stórbrotið landslag Heimaeyjar með útsýni yfir eyjar og sund, ýmist sem einstaklingar, í tveggja manna boðhlaupi eða fjögurra manna liðum.

Fjöldi manns kom að mótinu sem tíma- og brautarverðir og skemmtu sér ekki síður en keppendur enda veður eins gott hugsast getur, sól og hæfilegur vindur.

Eyjamaðurinn Hlynur Andrésson kom fyrstur í mark á tímanum 01:14.56. Í öðru sæti var Þorsteinn Roy Jóhannsson og Arnar Pétursson var í því þriðja.

Okkar maður Óskar Pétur tók þessar myndir af hlaupinu í dag.

Hér má sjá þá tíu efstu í hlaupi dagsins:

Heildarúrslit