Samningar undirritaðir hjá meistaraflokki kvenna

Eyjafréttir
·
Fólkið, Íþróttir
·
11. nóvember 2018

Á fimmtudag skrifuðu tveir leikmenn ÍBV undir samning við félagið. Sigríður Lára Garðarsdóttir hefur snúið aftur heim í ÍBV eftir stutta dvöl í Noregi þar sem hún varð Noregsmeistari með Lilleström. Sigríður Lára hefur skrifað undir 4.ára samning við sitt uppeldisfélag sem er lengsti samningur sem kvennalið ÍBV hefur gert. Þá mun Sigríður Lára taka við fyrirliðabandinu fyrir ÍBV. Sigríður Lára hefur leikið 164 leiki fyrir ÍBV og skorað í þeim 29 mörk. Þá hefur Sigríður Lára leikið 14 A landsleiki og fjöldan allan af leikjum með unglingalandsliðum Íslands.

Clara Sigurðardóttir skrifaði einnig undir samning við ÍBV en Clara hefur verið fastamaður í landsliði Íslands U-17. Clara hefur leikið með meistaraflokki ÍBV síðustu tvö ár þrátt fyrir verulega ungan aldur. Clara hefur leikið 38 leiki fyrir ÍBV og skorað í þeim 3 mörk. Þá hefur Clara leikið 24 unglingalandsleiki og skorað í þeim 7 mörk.

Svo á laugardag skrifuðu eftirtaldir leikmenn einnig undir samning við ÍBV:

Kristín Erna Sigurlásdóttir skrifaði undir samning við félagið en Kristín Erna hefur leikið með ÍBV allan sinn feril að undanskildu einu leiktímabili. Kristín Erna hefur leikið 157 leiki fyrir ÍBV og skorað í þeim 94 mörk. Kristín Erna er markahæsti leikmaður ÍBV frá upphafi.

Shaneka Gordon hefur leikið með ÍBV síðan 2012 en var lánuð í fyrra til ÍR. Shaneka sem var iðin við markaskorun fyrstu ár sín með ÍBV meiddist ílla árið 2015 og hefur lítið sem ekkert getað leikið síðan.

Júlíana Sveinsdóttir hefur leikið í vörn ÍBV síðustu 4.ár og á að baki 67 leiki í meistarflokki. Júlíana þykir mjög traustur varnarmaður sem sannarlega á framtíðina fyrir sér.

Sesselja Líf Valgeirsdóttir hefur leikið 48 leiki með ÍBV

Guðrún Bára Magnúsdóttir hefur leikið 39 leiki með meistaraflokki.

Margrét Íris Einarsdóttir hefur leikið 15 leiki fyrir ÍBV

Díana Helga hefur leikið 30 leiki fyrir ÍBV

Sóldís Eva Gylfadóttir hefur leikið 4 leiki fyrir ÍBV

Inga Hanna Bergsdóttir hefur leikið 3 leiki fyrir ÍBV

Guðný Geirsdóttir hefur leikið 3 leiki fyrir ÍBV

Sigríður Sæland hefur leikið 1 leik fyrir ÍBV

Þá eru þær Birgitta Sól Vilbergsdóttir og Helena Hekla Hlynsdóttir samningsbundnar ÍBV.

ÍBV hafði áður gert samninga við Cloe Lacasse, Caroline Van Slambrouck og Mckenzie Grossman. ÍBV mun bæta við sig tveimur leikmönnum til viðbótar.

Þá var gert opinbert að Jón Ólafur Daníelsson mun verða þjálfari liðsins.

Þá voru einnig undirritaðir samningar við Sonju Ruiz sem sjúkranuddara liðsins og samstarfssamningur við Gott restaurant en veitingastaðurinn er þekktur fyrir hollan og góðan mat.

Nýjustu fréttir

Íþróttir

Alexandra Ósk framlengir við ÍBV

Fréttir

Bifreið hafnaði á járngirðingu við Kirkjuveg

Minning

Hjartans þakkir fyrir samúð og hlýhug

Fréttir

Gugusar fimmti tónlistamaðurinn á Hljómey

Fréttir

Tónlistarsköpun fyrir ungmenni í Féló

Íþróttir

Dramatískur sigur ÍBV á Haukum

Íþróttir

Stórsigur ÍBV á Akureyri

Íþróttir

Lengjubikarinn hófst í dag hjá ÍBV

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki