ÍBV gerði góða ferð í Garðabæ í dag þegar liðið sigraði Stjörnuna, 25-22 í Olís deild kvenna. Staðan í leikhléi var 14-12 ÍBV í vil. Í síðari hálfleik hélt ÍBV forystunni og hafði á endanum betur.

Hjá ÍBV var Birna Berg Har­alds­dótt­ir marka­hæst með níu mörk. Dag­björt Ýr Ólafs­dótt­ir skoraði fjög­ur mörk og Sunna Jónsdóttir gerði þrjú mörk. Marta Wawrzy­kowska varði níu skot í markinu. ÍBV er í fjórða sæti deildarinnar með fimm stig, en Stjarn­an er með tvö stig í sjötta sæti.