Eyjamennirnir Elmar Erlingsson og Arnór Viðarsson voru báðir í eldlínunni með sínum liðum í handboltanum í gær. Elmar leikur með HSG Nordhorn-Lingen í þýsku B-deildinni og Arnór leikur með HF Karlskrona í sænsku úrvalsdeildinni.

Elmar skoraði fimm mörk fyrir Nordhorn og gaf fimm stoðsendingar, þegar þeir gerðu jafntefli við Dormagen. Leikurinn endaði 33-33. Nordhorn er í fimmta sæti í þýsku B-deildinni en Dormagen 15. sæti. 

Arnór Viðarsson skoraði tvö mörk í 33-31 sigri Karlskrona á Vasteras í sænsku úrvalsdeildinni. Karlskrona situr í 9. sæti með 21 stig á meðan Vasteras er í botnsætinu með aðeins fimm stig.