Af gefnu tilefni vilja stjórnendur Vestmannaeyjabæjar koma eftirfarandi á framfæri varðandi snjóhreinsun og hálkueyðingu. Markmið Vestmannaeyjabæjar er að veita skilvirka og hagkvæma vetrarþjónustu, sem stuðlar að öryggi vegfaranda og íbúa bæjarins. Snjór er hreinsaður af götum eða gönguleiðum með snjóruðningstækjum, gönguleiðir eru einnig handmokaðar. Snjóhreinsun er fylgt eftir með mokstri á bíla og flutningi á losunarstað, ef ástæða þykir til. Stofnbrautir og fjölfarnar safngötur njóta forgangs þegar kemur að snjóhreinsun og hálkueyðingu. Síðan koma aðrar safngögur en húsagötur eru almennt ekki ruddar fyrr en að því loknu.