Kvennalið ÍBV vann stórsigur á Aftureldingu í Mosfellsbæ í gær þegar liðin áttust við í 5. umferð Pepsídeildarinnar. ÍBV hafði aðeins unnið einn leik af fyrstu fjórum og sigurinn því mjög kærkominn en staðan í hálfleik var 0:3 ÍBV í vil. Leikurinn fór rólega af stað en Vesna Smiljkovic kom ÍBV yfir á 23. mínútu. Kristín Erna Sigurlásdóttir bætti öðru marki við á 32. mínútu og níu mínútum síðar var Sigríður Lára Garðarsdóttir búinn að koma ÍBV í 0:3. Kristín Erna bætti svo við sínu öðru marki, og þriðja marki ÍBV undir lok leiksins.

ÍBV er því komið með sex stig eftir fimm leiki og er í 7. sæti, með jafn mörg stig og FH, sem er í 8. sæti. Breiðablik er svo í 6. sæti með sjö stig og Selfoss í 5. sæti með níu stig.