Á fundi fræðsluráðs Vestmannaeyja í liðinni viku var tekin fyrir sumarlokun leikskóla og sumarleyfi. Fram kemur í fundargerð að skólaskrifstofa leggi til að sumarlokun leikskólanna sumarið 2025 verði frá 10. júlí til 14. ágúst líkt og í ár. Leikskólar opna klukkan 10:00 þann 15. ágúst.

Ráðið samþykkti umrædda tillögu sumarlokunar leikskóla frá skólaskrifstofu. Samhliða ákvörðun um sumarlokun var rædd þörfin fyrir gæsluvellinum sem hefur verið starfræktur yfir sumarlokun leikskóla. Út frá umræðum fundarins verður tekin ákvörðun á næsta fundi ráðsins hvort þörf sé á því úrræði næsta sumar.