Það var talið að dekkin mundu duga

Frekari framkvæmdir við hafnarmannvirki, legukant, ekjubrýr og landgöngubrúr í Vestmannaeyjahöfn er ástæða þess að nýr Herjólfur siglir ekki milli lands og eyja í gær eins og vonir stóðu til.

„Við gerðum ráðstaf­an­ir í Land­eyja­höfn en töld­um að þetta yrði í góðu lagi í Vest­manna­eyj­um. Síðan kom í ljós að það er ör­ugg­ara að bæta þá aðstöðu,“ seg­ir G. Pét­ur Matth­ías­son, upp­lýs­inga­full­trúi Vega­gerðar­inn­ar í samtali við Eyjafréttir um helstu or­sök tafa á áætl­un­ar­sigl­ing­um nýja Herjólfs. „Fyrir fram var reiknað með að það væri nóg að hafa þau dekk til varnar sem eru þar nú, en við nánari skoðun var talið betra og öruggara og setja upp meiri og öflugri búnað, svo kallaða fendera. Einnig þurfa þeir að vera hærri en bryggjan. Það er gert bæði til að tryggja að ekki komið til skemmda á Herjólfi sem leggur jú að og fer frá sjö sinnum á dag. Einnig mun betri búnaður auðvelda mönnum að leggja að á skemmri tíma en ella.“ Hann sagðist ekki þora að fara með það hversu lang­an tíma þær fram­kvæmd­ir muni taka. „Við erum að skoða þetta. Það tek­ur ein­hvern tíma.“

Nýja skipið í slipp í september
Í ljós kom galli á öðrum stöðugleikaugganum á nýja ksipinu en þar kemst sjór í olíuna. „Þótt það komi ekki í veg fyrir siglingar ferjunnar þarf að taka það í slipp og laga þennan galla, það er á byrgð þess sem smíðaði skipið og/eða framleiðand uggans.  Herjólfur fer því í slipp á Akureyri í september,“ sagði G. Pétur.

 

 

 

„Það er þannig séð ekki neinn gríðarleg­ur þrýst­ing­ur að hefja sigl­ing­ar með nýju ferj­unni af því gamli Herjólf­ur sinn­ir þessu al­veg. Þeir af­kastá álíka miklu. Það er betra að gera þetta þannig að það sé allt í góðu lagi,“ seg­ir G. Pét­ur, en hætta er á skemmd­um á skipi eða bryggju sé viðlegukant­ur ekki í lagi.

Nýjustu fréttir

Samgöngur
Ófullnægjandi dýpi í Landeyjahöfn – uppfært
Fréttir
Ekki einhugur um milljóna framlag til ÍBV
Sjávarútvegur
Loðnuvertíðin hafin í Eyjum
Úr blaði Eyjafrétta
Heiðurshjónin Hjalti og Vera Björk Eyjafólk ársins 2025
Íþróttir
Elmar áfram hjá Nordhorn-Lingen
Íþróttir
Róbert hjá ÍBV næstu tvö árin
Fréttir
Framkvæmdir langt komnar í Íþróttamiðstöðinni
Aðsent
Skákþing Vestmannaeyja: Úrslitin ráðast í síðustu umferðunum
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.