Miðvikudaginn 17. desember sendu Eyjafréttir þingmönnum allra flokka í Suðurkjördæmi póst þar sem óskað var viðbragða við frétt á eyjafrettir.is frá 17. desember vegna samnings utanríkisráðherra við Bretland, Færeyjar og Noreg um makrílveiðar á næsta ári.

Þingmennirnir eru Ása Berglind Hjálmars­dóttir Samfylkingu, Ásthildur Lóa Þórs­dóttir Flokki fólksins, Guðbrandur Einars­son Viðreisn, Guðrún Hafsteins­dóttir Sjálfstæðisflokki, Halla Hrund Loga­dóttir Framsóknarflokki. Karl Gauti Hjalta­son Miðflokki, Sigurður Ingi Jóhanns­son Framsóknarflokki, Sigurður Helgi Pálma­son Flokki fólksins, Vilhjálmur Árna­son Sjálfstæðisflokki og Víðir Reynis­son Samfylkingu.

Þau sem brugðust við eru Ása Berglind  og Víðir Samfylkingu, Halla Hrund Framsókn og Karl Gauti Miðflokki. Þau sem brugðust ekki við eru Ásthildur Lóa Flokki fólksins, Guðbrandur Viðreisn, Sigurður Ingi Framsókn, Sigurður Helgi Flokki fólksins og hvorugur þingmaður Sjálfstæðisflokksins Guðrún og Vilhjálmur.

Hvort sem um er að kenna önnum þingmanna eða litlum áhuga á hagsmunum Vestmannaeyja skal ósagt látið en þakka ber þeim sem svöruðu.