Fiskistofa hefur úthlutað aflamarki á fiskveiðiskip fyrir fiskveiðiárið 2025/2026 og fengu 456 skip í eigu 377 aðila úthlutað. Þetta kemur fram í tilkynningu á vef Fiskistofu.

Þar segir jafnframt að heildarúthlutun sé rúm 287 þúsund þorskígildistonn. Úthlutun í þorski er rúm 160 þúsund þorskígildistonn en var tæp 168 þúsund þorskígildistonn á síðasta fiskveiðiári. Úthlutun í ýsu er tæp 44 þúsund þorskígildistonn og hækkar um 5 þúsund þorskígildistonn milli ára.

Fyrirtæki með hæstu úthlutunina:

• Brim hf. 9,16%

• Samherji Ísland hf. 8,58%

• Ísfélag hf. 6,61%

• Fisk Seafood ehf. 6,36%

• Vísir ehf. 4,18%

Skip með hæstu úthlutunina:

• Sólberg ÓF 1 (2917), Ísfélag hf. með 10.430 þorskígildistonn.

• Guðmundur í Nesi RE 13 (2626), Útgerðarfélag Reykjavíkur hf. með 9.109 þorskígildistonn.

• Drangey SK 2 (2893), FISK-Seafood ehf. með 6.442 þorskígildistonn.