Eyjamaðurinn Tómas Bent Magnússon var í byrjunarliði Hearts gegn Falkrik í Skosku úrvalsdeildinni í fótbolta í dag. 

Tómas lék nánast allan leikinn, á miðsvæðinu, í mikilvægum 1-0 sigri. Mark Hearts kom á 45 mínútu en þar var að verki Islam Chesnokov, og reyndist það eina mark leiksins. Þetta var fyrsta mark Chesnokov fyrir Hearts. Hearts eru nú aftur á sigurbraut eftir 4-2 tap gegn Rangers í síðustu umferð. 

Hearts er með fimm stiga forskot á toppnum í skosku deildinni. Rangers sem situr í 2. sæti á leik til góða og Celtic sem er í 3. sæti, sex stigum á eftir Hearts, á tvo leiki til góða.

Næsti leikur Hearts er gegn Aberdeen á Tynecastle Park, laugardaginn 28. febrúar.