Safnaðarnefnd Selfosskirkju hefur boðið sveitarfélaginu Árborg að taka þátt í að láta reisa minnisvarða um sr. Sigurð Pálsson og frú, en sr. Sigurður var fyrsti sóknarprestur Selfosskirkju. Hann var sóknarprestur í Hraungerði í Flóa, en flutti aðsetur sitt á Selfoss upp úr 1950 þegar fólki var tekið að fjölga á Selfossi.

Sr. Sigurður Pálsson varð vígslubiskup í Skálholtsstifti árið 1966 með aðsetur á Selfossi og var sóknarprestur þar til ársins 1971 þegar sonur hans sr. Sigurður Sigurðarson tók við af honum sem sóknarprestur við kirkjuna.