Grímur kokkur  og hans lið stóð í ströngu á laugardaginn á fiskideginum
mikla á Dalvík, þar sem hann kynnti og gaf smakk af plokkfiskinum sínum og
osta fylltum saltfiskbollum. Gríðarlegur fjöldi var á Dalvík en talið er
að yfir 35 þúsund manns hafi verið á svæðinu. Grímur vakti gríðarlega athygli
á svæðinu og mikla lukku með plokkfiskinn sinn og bollurnar, en hann gaf
yfir 100 þúsund bollur frá 11 til 17  og yfir eitt tonn af plokkfisk rann
niður hjá gestum fiskidagsins.

Þetta er í fyrsta skipi sem Grímur tekur þátt í fiskideginum, og á
lokahófi með aðstandendum dagsins, stóð stjórn fiskidagsins upp bað gesti
um að gefa Grím og hans fólki 4 falt húrra fyrir framúr skarandi mat,
þjónustu og skemmtilegan bás, og tóku fram að þeir vonuðust eftir
áframhaldandi samstarfi sem þeir voru mjög ánægðir með.

Grímur sjálfur var alveg í skýjum með viðtökurnar, og þau jákvæðu viðbrögð
frá fólki með vörur sínar. ” það að ná að gefa yfir 35 þúsund manns að smakka
er gríðarlega góð kynning sem á eftir að skila sér í aukinni sölu núna
strax eftir helgi ” sagði Grímur ákveðin í taka þátt í næsta fiski degi að
ári.