Fimmtudaginn 8.nóv. nk. kl. 20 heldur Vinstrihreyfingin- gr��nt framboð opinn fund á Kaffi María uppi. Atli Gíslason þingmaður Vinstri grænna í Suðurkjördæmi mætir á fundinn og ræðir við fundargesti um landsmálin og áherslur Vinstri grænna á Alþingi.

Flokkurinn lagði í byrjun þings í haust fram fjölda mála sem snerta nánast alla þætti þjóðlífsins og  verður fróðlegt að fylgjast með hvernig þeim reiðir af í meðferð þingsins. Þessi mál verða til umræðu.
Atli mun á fundinum einnig ræða og hlusta eftir þeim málum sem helst brenna á okkur Vestmannaeyingum og geta skipt okkur miklu máli í nútíð og framtíð.
Þá er ætlunin að á fundinum verði rædd staða Vinstri grænna í Vestmannaeyjum og hvaða hugmyndir eru uppi um framboðsmál vegna næstu bæjarstjórnarkosninga.
Fundurinn er öllum opinn og eru Vestmannaeyingar hvattir til að mæta og hafa þannig áhrif á gang mála.