Oddviti Samfylkingarinnar í Norðvesturkjördæmi sagði í gærmorgun í viðtali við Stöð 2 að óhjákvæmilegt veggjald í Hvarfjarðargöngunum verði fellt niður. Að öðrum kosti verði að taka upp gjöld á öðrum stöðum á þjóðveginum.
Þessi orð eru ótrúleg í ljósi þessi að á þjóðveginum Þorlákshöfn – Vestmannaeyjar hefur alltaf verið veggjald og hefur háttvirtur þingmaður ekkert tjáð sig um þá skattheimtu.

Þessi ágæti oddviti Samfylkingarinnar ætti að ræða við samflokksmann sinn samgönguráðherrann um þessi málefni og sjá hvort að honum verði eitthvað ágengt til breytinga á þessum vegtollum.
Kristján L. Möller, samgönguráðherra hefur hins vegar þvert á stefnu flokksfélaga sinna í sínu kjördæmi lýst því yfir að málið verði ekki sett í forgang í ráðaneytinu og ekki sé gert ráð fyrir því í samgönguáætlun að gjaldið verði fellt niður.

Best þykja mér orð Guðbjartar Hannessonar oddvitans góða þegar hann segir að hvergi sé rukkað á þjóðveginum sérstakt veggjald og því stríði það gegn jafnræðisreglu að rukka sérstaklega fyrir umferð í göngin.
Vel má vera að gjaldið í Herjólf sé ekki veggjald en skattur er það á farþega Herjólfs. Og Herjólfur er jú þjóðvegir milli lands og eyja.
Ánægðastur er ég þó með það að þarna hafa eyjamenn eignast góðan bandamann sem tilbúinn er að endurskoða gjaldskrá Herjólfs og á þeim bandamanni þurfum við á að halda í baráttunni fyrir ódýrari og betri samgöngum.

Kjartan Vídó