Vél frá Icelandair flaug óvenju lágt yfir Vestmannaeyjar í dag og vakti töluverða athygli.

Mörgum Eyjamanninum var brugðið þegar þota Icelandair flaug í um 30 metra hæð yfir bæinn um klukkan 15.30 í dag. Kom hún yfir bæinn úr austri. Skreið yfir nýja hraunið og yfir bæinn með miklum látum. Meðfram Heimakletti, yfir bæinn og út yfir sjóinn við Smáeyjar.

Héldu sumir að flugvélin myndi lenda á sjónum en þegar hún kom út fyrir Smáeyjar hækkaði hún flugið og var sennilega á leiðinni til Keflavíkur. Mikil umræða varð um málið á samfélagsmiðlum. Þar var m.a. fullyrt að flugstjórinn væri í sínu síðasta flugi, með tengsl við Vestmannaeyjar og viljað kveðja með eftirminnilegum hættu.

Hér má sjá myndband af fluginu sem Richard Bjarki náði.