Day: 29. ágúst, 2007

Umbætur í miðbæ staðanna

Miklar umbætur verða gerðar í miðbæjum Eyrarbakka og Stokkseyrar gangi tillaga skipulags og byggingarnefndar Árborgar í gegn. Um er að ræða malbikun og endurbætur á umhverfi staðanna í samráði við íbúa bæjarins. (meira…)

Breytt í þágu þjóðgarðsins

Sveitarstjórn Skaftárhrepps hefur óskað eftir heimild frá Skipulagsstofnun til að endurskoða núgildandi aðalskipulag. Bjarni Daníelsson, sveitarstjóri, segir að verið sé að gera ráðstafanir til þess að taka við sívaxandi fjölda ferðamanna á svæðinu. (meira…)

Hvarvetna hlýja og gestrisni

Biskup Íslands, herra Karl Sigurbjörnsson, og eiginkona hans frú Kristín Guðjónsdóttir, vísiteruðu Skaftafellsprófastsdæmi dagana 18.-25. ágúst sl. Með þeim í för voru prófastshjónin í Vík, Haraldur M. Kristjánsson og Guðlaug Guðmundsdóttir. (meira…)

�?rennt slapp ómeitt út úr logandi húsinu

Núna síðdegis kom upp eldur í húsi númer 28 við Vesturveg í Vestmannaeyjum. Það kviknaði í út frá steikingarpotti. Þrennt var í húsinu þegar eldurinn kom upp og komust allir greiðlega út. (meira…)

Eldur í einbýlishúsi

Eldur kviknaði í einbýlishúsi í Vestmannaeyjum um kl 18 í dag. Samkvæmt upplýsingum frá lögreglunni í Eyjum voru 3 íbúar hússins heima þegar eldurinn kviknaði. Fólkið kom sér út og hringdi í neyðarlínu sem ræsti út slökkvilið. Vel gekk að slökkva eldinn og vinnur slökkvilið nú að því að reykræsta húsið. Lögreglan í Vestmannaeyjum segir […]

�?ungt haldinn eftir bílveltu

Tvítugur karlmaður liggur þungt haldinn á Landspítalanum í Fossvogi eftir að vörubíll valt við Hellisheiðarvirkjun á þriðjudag. Maðurinn, sem var einn á ferð, festist inn í vörubílnum þegar hann valt, samkvæmt upplýsingum frá lögreglu. Tildrög slyssins liggja ekki fyrir. (meira…)

Íkveikjualda á Selfossi

Slökkvilið var kallað út um fjögur leytið aðfaranótt miðvikudags vegna elds í blaðagám við Samkaup á Selfossi. Lögregla telur víst að kveikt hafi verið í gámnum og eru unglingar grunaðir um verknaðinn. Óvenju mörg sambærileg íkveikjumál hafa komið upp á Selfossi að undanförnu, segir lögregla. (meira…)

Greiða þarf við pöntun farseðla

Á fundi bæjarráðs í síðustu viku var tekið fyrir minnisblað frá Eimskip þar sem lagt er til að gerðar verði breytingar á sölureglum sem gilda vegna fargjalda með Herjólfi. Í minnisblaðinu er gert ráð fyrir að allir sem panta far, kojur og bílapláss greiði við pöntun. Einnig er gert ráð fyrir að miðar séu ekki […]

Blómaáhugakonur fundu stökkbreytt afbrigði af holurt

Glöggar blómaáhugakonur í Eyjum fundu plöntu sem þær könnuðust ekki við að hafa séð áður þegar þær voru á göngu á Nýja hrauninu fyrr í sumar. Þær höfðu samband við Margréti Lilju Magnúsdóttur, líffræðing, sem tók að sér kanna málið og nú hefur komið í ljós að hér var um stökkbreytt afbrigði af holurt að […]

Fjöldi áhugaljósmyndara mikill

Það færist í vöxt að almenningur eigi góðar myndavélar og síðustu ár hefur almenningur eignast stærri og stærri vélar með skiptanlegum linsum. Í dag eru þó nokkrir áhugaljósmyndarar í eyjum og fer þeim fjölgandi. Á netinu er hægt að sjá margar fallegar myndir frá þeim og birtum við hér lista yfir þá ljósmyndara sem eyjar.net […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.