Verð ég á hóteli í ellinni?

Umræðan um að þjóðin okkar sé að verða eldri hefur skotið upp annað slagið undanfarin ár.  Sannarlega þörf umræða og góð.  Snýst umræðan gjarnan um það hvað eigi að gera við allt gamla fólkið, hvar það eigi að búa vegna núverandi húsnæðisvanda og á hverju það á að lifa.  Er þá vísað til þess vanda sem lífeyriskerfi landsmanna býr við, enda nú þegar fyrirhugað að hækka aldurstakmörk lífeyristöku.  Ætla ég ekki að fara djúpt í þá sálma hér, en gæti eytt í það allnokkrum línum á góðum degi.

Hinsvegar vil ég nú beina augum mínum að öllum þeim hótelbyggingum sem spretta upp eins og gorkúlur um landið.  Vonar undirritaður innilega að fjármögnun þeirra bygginga sé ekki byggð á sandi svo okkur og börnum okkar verði ekki sendur reikningurinn síðar, eins og í fyrri ævintýrum landans s.s. loðdýrarækt, fiskeldi og að ógleymdum timburmönnum bankahrunsins.

Það gæti gerst að hótelbyggingarnar sem nú spretta hér upp með slíkum hraða, verði síðar að yfirgefnum minnisvörðum gríðarlegs ferðamannastraums á eftirhrunsárunum er gengi krónunnar var haldið niðri með öllum ráðum í skjóli gjaldeyrishafta.  Það er vissulega ekki draumur nokkurs góðs og gegns íslendings, en verði sú sviðsmynd að veruleika felst mögulega í því lausn við húsnæðisvanda eldri borgara síðar og verði lífeyrissjóðir í vondri stöðu mun eldri borgarar flestir hvort eð er ekki hafa efni á mörgum fermetrum.

Pælingin er svosem til gamans gerð en þó er ekki laust við að maður sé farinn að renna hýru auga til nokkurra bygginga svona til vonar og vara.  Allavega er hér boðið uppá ókeypis viðskiptahugmynd sem gæti orðið að veruleika hjá lesanda góðum síðar. 

Öllum vanda geta jú fylgt ný tækifæri.

Nýjustu fréttir

Myndband
Slá ekki slöku við
Stjórnmál
Íris bæjarstjóraefni Sjálfstæðisflokksins
Menning
Útgáfutónleikar Vina og vandamanna: Eyjalögin lifa áfram
Áhugavert
Sjolag.is í stað veður- og ölduspár á netinu
Menning
ÞESAL – Partýljón, teiknimyndir, djamm og djús
Menning
Lúðrasveitir sameinast með stórstjörnum í Hörpu
Íþróttir
Kvennalið ÍBV semur við markmann frá Kanada-Guyana
Íþróttir
Tap hjá Arnari og íslenska landsliðinu gegn Færeyjum
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.