Húsfyllir á bæjarstjórnarfundi unga fólksins

Í hádeginu í dag efndi unga fólkið í Vestmannaeyjum til bæjarstjórnarfundar. Fundurinn fór fram í Kviku – menningarhúsi og mætti á annað hundrað manns til að hlýða á kröfur unga fólksins. Fundurinn er liður í dagskrá afmælishátíðar Vestmannaeyjabæjar.

Bæjarfulltrúar unga fólksins stóðu sig með prýði og ræddu hin ýmsu mál sem eru samfélaginu brýn. Hér má nálgast upptöku frá fundinum.

Hér að neðan má sjá fundargerð frá fundinum.

 

Bæjarstjórn unga fólksins – 1. fundur

Bæjarstjórnar unga fólksins

Haldinn í sal menningarhússins Kviku

15. febrúar 2019 og hófst hann kl. 12:00

Fundinn sátu:

Ægir Freyr Valsson forseti, Guðbjörg Sól Sindradóttir bæjarstjóri, Eva Sigurðardóttir, Svala Guðný Hauksdóttir, Lísa Guðbjörnsdóttir, Alexander Júlíusson.

Fundargerð ritaði: Hinrik Ingi Ásgrímsson

Dagskrá:

  1. Samgöngumál, gjaldskrá fyrir ungt fólk í flugi og gjaldskrá fyrir Vestmanneyinga í Herjólf.

Tillaga 1:

Að allir Vestmannaeyingar fái forgang í Herjólf innan ákveðins ramma ef pantað sé með ákveðið mörgum dögum á undan.

 

5 sammála

1 sátu hjá

 

Tillaga 2:

Að hvetja Flugfélagið Erni til þess að bjóða ungu fólki í Vestmannaeyjum skólaafslátt í flug t.d. með klippikortum.

 

5 sammála

1 sat hjá

 

  1. Umræður um móttöku flóttamanna í Vestmannaeyjum.

Tillaga: Við hvetjum bæjarstjórn Vestmannaeyja til þess að skoða þann möguleika að taka á móti flóttamannafjölskyldum til Eyja. Mikilvægt sé að huga að öllum þáttum í þeirri vinnu. Takmarka hversu mörgum er boðið, finna húsnæði fyrir fjölskyldurnar og aðstoða þær við að aðlagast samfélaginu.

 

3 sammála

3 sátu hjá

 

  1. Umræður um afþreyingu fyrir ungt fólk í Vestmannaeyjum. Hugmyndir um afþreyingu eins og mini golf, lazer-tag, paint ball og keilu.

Tillaga:

Bæjarstjórn unga fólksins hvetur bæjarfulltrúa í bæjarstjórn Vestmannaeyja að skoða að bjóða upp á meiri afþreyingu í Vestmannaeyjum. Við hvetjum til þess að fundið verði húsnæði fyrir slíka afþreyingu og m.a. fengið fyrirtæki eins og pizzastað í samstarf sem gæti verið að störfum í sama húsnæði. Einnig væri hægt að nýta húsnæðið undir starfið sem er í félagsmiðstöð.

 

Samþykkt með 6 samhljóða atkvæðum

 

  1. Umræður um framboð í íþróttum fyrir ungt fólk í Vestmannaeyjum.

Niðurstaða:

Bæjarstjórn unga fólksins vill hvetja til frekar framboð í íþróttum í Vestmannaeyjum.

 

  1. Umræður um betri borð og stóla fyrir nemendur í Grunnskóla Vestmannaeyja.

Tillaga:

Bæjarstjórn unga fólksins vill að húsbúnaður eins og borð og stólar verði endurnýjað í GRV. Mikilvægt er að hafa í huga þægindi húsbúnaðarins t.d. þannig að stólar og borð séu hækkanleg eða lækkanleg. Bæjarstjórn unga fólksins hvetur Bæjarstjórn Vestmannaeyja til þess að skoða þessi mál til hlítar og setja pening í skólann fyrir þetta.

 

Samþykkt með 6 samhljóða atkvæðum

 

Fleira ekki gert, fundi skitið kl. 12:22

 

Nýjustu fréttir

Fréttatilkynning
Sýningin Geological Rhapsody opnar á morgun
Fréttatilkynning
Nýtt fyrirkomulag í Uppbyggingarsjóði Suðurlands
Fréttir
Íþróttahátíð ÍBV í kvöld
Bæjarmálin
Bærinn niðurgreiðir heimsendan mat um 53%
Áhugavert
Sigurður Guðmundsson á Hljómey í ár
Áhugavert
Jákvæðar umræður um Eyjagöng á Hvolsvelli
Myndband
Eyjakona og drottning íslenskrar knattspyrnu
Myndband
Bæjarstjórnarfundur í beinni
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.