Day: 2. júlí, 2021

Gunnar Heiðar stýrir kvennaliði ÍBV í næsta leik

Á vefnum fotbolti.net er greint frá því að Gunnar Heiðar Þorvaldsson muni stýra liði ÍBV gegn Fylki á þriðjudag þegar liðin mætast í 9. umferð Pepsi Max-deild kvenna. Gunnar Heiðar er fyrrum leikmaður karlaliðsins og er í dag þjálfari KFS. Leit stendur yfir af þjálfara hjá kvennaliði ÍBV en Andri Ólafsson og Birkir Hlynsson létu […]

Fimmtudagur á Goslokum (myndir)

Ljósmyndari Eyjafrétta, Óskar Pétur Friðriksson, var að vanda mættur að fanga hátíðarhöldin á filmu. Hér má sjá þær myndir sem hann náði af hinum ýmsu viðburðum gærdagsins. Ljóst er að margt er um manninn. (meira…)

Fyrsti markíllinn til Eyja um helgina – rætist draumur Eydísar á kaffistofunni?

Eydís

Makrílvinnsla hefst að líkindum í uppsjávarhúsi Vinnslustöðvarinnar snemma að morgni sunnudags 4. júlí og verður óvæntur en afar velkominn dagskrárliður goslokahátíðarinnar hjá þeim sem beðið hafa átekta eftir að fyrsti makríll vertíðarinnar láti sjá sig í Vestmannaeyjum. Kap VE er á heimleið með um 800 tonn úr Smugunni og Ísleifur leggur væntanlega af stað heim […]

Leyndardómsfullt bræðralag fundar

Bravó bræðralag

Bræðralag mun ríkja þegar menn verða bræður ‌- ‌Átakasvæði náttúru og næringu Síðastliðin föstudag var haldinn fyrsti fundur hjá nýju bræðralagi, Bræðralag Bravó. Meðlimir bræðralagsins eru nítján talsins, langflestir eru í eða úr Eyjum en einnig eru menn „að austan“ eins og það var orðað. Fréttamaður fékk veður af þessum fundi en bræðurnir forðuðust frétta. […]

Tölfræði er mælaborðið okkar, liggi hún ekki fyrir vitum við ekki stöðuna

Katrín Jakobsdóttir og ARndís Soffía sýslumaður

„Frumkvæðið að þessu verkefni kemur frá mér. Ég hef lengi haft áhuga á að draga fram tölfræði úr starfakerfum sýslumanna til að nýta við stefnumótun og áætlanir. Þar er að finna gríðarlegt magn af upplýsingum sem ekki eru nýttar með markvissum hætti í dag. Með því að draga fram tölfræðina m.t.t. kynja verða upplýsingarnar enn […]

Nauðsynlegt fyrir mig að vera í góðum tengslum við sveitarfélögin segir Katrín Jakobsdóttir, forsætisráðherra

Katrín Jakobsdóttir og ARndís Soffía sýslumaður

Katrín Jakobsdóttir forsætis­ ráðherra var í Vestmannaeyj­ um á dögunum. Erindið var að skrifa undir samstarfssamning milli ráðuneytis hennar og sýslumannsins, vegna verk­ efnis sem lýtur að kynjaðri tölfræði úr gagnagrunnum sýslumanna. Með honum á að verða hægt að greina hvort kynjahalli sé til staðar í málum sem rekin eru innan stjórnsýslunnar. Eyjafréttir tóku þær […]

Sýning um heimilislíf Herjólfs

Herjólfsbær

Athafnafólkið Einar Birgir Baldursson og Íris Sif Hermannsdóttir hafa í mörgu að snúast en hjónin reka lítið fjölskyldufyrirtæki undir nafninu Eyjatours sem hefur verið starfandi í sjö ár. „Við erum með persónulegar leiðsöguferðir auk þess að við bjóðum upp á private ferðir. Vinsælasta ferðin okkar er Puffin and Volcano ferðin“ segir Íris og bætir við […]

Ekki viss um að menn hefðu verið tilbúnir að taka á móti svona safni mikið fyrr

Kristín Jóhannsdóttir

Eldheimar skipa stóran sess í goslokahelginni hjá mörgum. Aðsókn er alla jafna mikil á safnið og ekki síður þá viðburði sem í boði eru á safninu þessa hátíðardaga sem fram undan eru. „Safnið hefur verið mjög vel sótt í kringum goslokin, bæði af goslokahátíðargestum, sem og öðrum ferðamönnum. Þetta er háannatíminn og því margir fleiri […]

Einstakur staður til að starfa og ala upp börn

Fjölskyldan

Það er ekki á allra vitorði en um nokkurra ára skeið hefur verið starfsstöð stofnunar rannsóknasetra Háskóla Íslands í Vestmannaeyjum. Stofnunin lýtur forystu Filipu Samarra. Filipa og samstarfsfólk hafa undanfarin ár unnið að rannsóknum á háhyrningum í verkefni sem kallast Icelandic Orca Project verkefnið hófst árið 2008 en síðan hefur verið unnið að því við […]

Dagskrá Gosloka um helgina

Goslokahátíðin heldur áfram og nær hápunkti sínum á laugardagskvöldið. Eins og undanfarin ár er dagskrá nokkuð fjölbreytt og mikið út að velja. Athygli vekur þó að mikið er um listasýningar þetta árið og má það eflaust rekja til þess hve mikinn tíma þjóðin hefur haft milli handanna síðasta ár sökum ferða- og samgöngutakmarkana. Dagskránna má […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.