Krónan styður við samfélagstengd verkefni með áherslu á æskulýðs- og ungmennastarf. Við styrkjum verðug samfélagsverkefni á hverju ári, í gegnum styrki, viðburði og samstarfsverkefni. Liður í því er Samfélagsstyrkur Krónunnar, sem veittur er ár hvert til verkefna í nærumhverfi sem stuðla að bættri lýðheilsu eða umhverfismálum með áherslu á yngri kynslóðina. Eitt verkefni hlaut samfélagsstyrk í Vestmannaeyjum en hann féll ÍBV í skaut. Íþróttafélagið nýtti styrkinn til að setja á fót íþróttaakademíu fyrir iðkendur félagsins á aldrinum 15 til 16 ára.

„Við erum afar þakklát Krónunni fyrir styrkinn sem nýttist okkar starfi og ungum iðkendum sérstaklega vel. Keyptur var nýr og nauðsynlegur íþróttabúnaður, auk þess sem lögð var áhersla á að fá til okkar flotta fyrirlesara til að fræða um mikilvægi lýðheilsu og heilsueflingar. Enn og aftur þökkum við Krónunni kærlega fyrir mikilvægan liðsstyrk,“ segir Sigga Inga, íþróttafulltrúi hjá ÍBV.

Fresturinn til að sækja um er til 31. ágúst. Sjáðu meira hér: www.kronan.is/styrkir

Fréttatilkynning.