Skráning er í fullum gangi fyrir Lífshlaupið 2026. Keppnin stendur yfir frá 1. – 28. febrúar. Árið 2025 voru 18.606 virkir þátttakendur í Lífshlaupinu og miðað við áhugann þá stefnir í bætingu.

Á meðan að Lífshlaupið stendur yfir eru þátttakendur hvattir til að deila myndum af sinni hreyfingu í gegnum heimasíðuna og/eða á Facebook eða Instagram með @lifshlaupid eða með myllumerkinu #lifshlaupid.

Allir myndasmiðir fara í lukkupott í myndaleik Lífshlaupsins og eiga möguleika á að fá vinninga frá frábærum samstarfsaðilum, sem eru Mjólkursamsalan, Unbroken, Skautahöllin í Laugardall, World Class, Saunagus Reykjanes, Klifurhúsið Klifursamband Íslands og Primal.

Samhliða Lífshlaupinu fer fram Vetraríþróttavika Evrópu eða European Week of Winter Sport, segir í frétt á heimasíðu Lífshlaupsins.