Ægisdyr – Jarðgöng raunhæfur kostur

Á þriðjdaginn var opinn fundur í sal Kvenfélagsins Líknar um jarðgöng milli lands og Eyja. Ingi Sigurðson, byggingatæknifræðingur og einn af forsvarsmönnum Ægisdyra, áhugamannafélag um vegtengingu milli lands og Eyja rakti þær rannsóknir og kannanir sem félagið stóð fyrir á árunum 2003 til 2007 þegar ákvörðun var tekin um að byggja Landeyjahöfn. Fundinn, sem Fyrir Heimaey boðaði til sátu milli 60 og 70 manns.

Rannsóknir voru gerðar á fyrirhugaðri gangaleið og á svæðinu í kringum Vestmannaeyjar um og upp úr aldamótunum. Þær rannsóknir voru undir stjórn Ármanns Höskuldssonar jarðfræðings með aðkomu íslenskra og bandarískra vísindamanna, og m.a. fjármagnaðar af stjórnvöldum. Kom fram hjá Inga að það sem út af stendur eru rannsóknir á sinn hvorum endanum, við Heimaey og við bæinn Kross í Landeyjum þar sem áætlað er að göngin, sem verða um 18 km löng komi upp.

Ingi rakti að í útkomnum skýrslum komi skýrt fram að það sé ekkert sem útiloki gangagerðina og aukin tækni  myndi ennfrekar hjálpa verkefninu. Unnar hafa verið tvær kostnaðar- og ábatagreiningar, sú fyrri árið 2003 frá Hagfræðistofnun og sú seinni árið 2020 af Víði Þorvarðarsyni í sinni meistararitgerð. Framkvæmdin væri þjóðhagslega hagkvæm, miðað við þær forsendur sem koma fram í umræddum gögnum.

Ingi upplýsti einnig á fundinum að fyrirhugað væri að endurvekja Ægisdyr á allra næstu vikum. Það kæmi það í ljós í framhaldinu hvaða hlutverk félagið myndi hafa í þessu verkefni fyrir samfélagið í Eyjum.

Fram kom hjá Arnari Péturssyni, fyrrum formanni stjórnar Herjólfs að Landaeyjahöfn og Herjólfur kosti ríkið rúman einn milljarð króna á ári, auk þess að fargjöld með Herjólfi séu árlega um einn milljarður króna.

Á 50 árum, sem reikna má með sem afskriftartíma jarðganga séu þetta um 100 milljónir og þá eigi eftir að gera ráð fyrir endurnýjun á ferju, ekki einu sinni, heldur tvisvar. Þetta kom fram.

Páll Magnússon, forseti bæjarstjórnar sagði bæjarstjórn í viðræðum við Sigurð Inga innviðaráðherra um samgöngumál Vestmannaeyja og væri niðurstöðu að vænta fyrr en seinna.

Páll sagði horft til Færeyinga í gerð jarðganga. Það væri ekki rétt að Danir borguðu brúsann heldur leituðu Færeyingar til stóra alþjóðlegra fjárfesta sem byðu hagstæða fjármögnun til lengri tíma. Það væri möguleiki sem þyrfti að skoða.

Nýjustu fréttir

Fréttir
Innviðaráðherra og forstjóri Vegagerðarinnar heimsóttu borstæði Eyjaganga
Samgöngur
Tólf ferðir á dag til og frá Eyjum frá 8. júní – uppfært
Aðsend grein
Högum okkur
Herjólfur
Herjólfur frestar 8 ferða áætlun 
Fréttir
Karlakór Vestmannaeyja með vortónleika
Áhugavert
Eyjagöng: Borað yfir 120 metra á rúmri viku
Aðsend grein
Nei, það er ekki glæpur
Fréttatilkynning
Nethamar hætt starfsemi
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.