Bærinn niðurgreiðir heimsendan mat um 53%

Eyjafréttir
·
Bæjarmálin
·
22. janúar 2026

Samanburður sýnir að niðurgreiðslan í Vestmannaeyjum er hærri en víða annars staðar :: Nýtt útboð framundan

Tryggvi Már

Sæmundsson

Bæjarráð Vestmannaeyja hefur fengið til kynningar samanburð á niðurgreiðslu heimsends matar hjá sveitarfélögum landsins. Samkvæmt minnisblaði framkvæmdastjóra fjölskyldu- og fræðslusviðs er niðurgreiðsla Vestmannaeyjabæjar um 53%, sem er hærra hlutfall en hjá mörgum öðrum sveitarfélögum sem skoðuð voru.

Málið var tekið fyrir sem framhald af umræðu á fundi bæjarráðs í desember, þar sem óskað var eftir slíkum samanburði. Fyrir ráðinu lá minnisblað þar sem gjaldskrár og fyrirkomulag heimsends matar hjá fjölda sveitarfélaga eru rakin.

Mikill munur á niðurgreiðslum sveitarfélaga

Í minnisblaðinu kemur fram að flest sveitarfélög niðurgreiða heimsendan mat að einhverju marki, þó í mismiklum mæli. Til að mynda er niðurgreiðslan um 50% á Akureyri, 22% í Reykjanesbæ, 36% í Hveragerði og um 14,6% í Árborg. Í Fjarðabyggð er niðurgreiðslan almennt á bilinu 30–40%, en getur farið allt að 60% á minni stöðum. Sum sveitarfélög niðurgreiða sérstaklega akstur og í einstaka tilfellum er stuðningurinn tekjutengdur.

Víða endurskoðun í gangi

Í Vestmannaeyjum tók ný gjaldskrá gildi í byrjun janúar 2026. Samkvæmt henni greiðir sveitarfélagið rúmlega helming kostnaðar við heimsendan mat. Í minnisblaðinu er bent á að þessi niðurgreiðsla sé há í samanburði við mörg önnur sveitarfélög.

Jafnframt kemur fram að víða um land sé verið að endurskoða fyrirkomulag og gjaldskrár heimsends matar. Í samtölum við önnur sveitarfélög hafi komið fram að umræða sé í gangi um hækkun gjalda og endurmat á umfangi niðurgreiðslna.

Samningi sagt upp – nýtt útboð framundan

Þá er bent á að samningi Vestmannaeyjabæjar við S.B. Heilsu ehf., sem sér um þjónustuna, verði sagt upp nú í janúar og rennur hann út í lok júlí 2026. Stefnt er að nýju útboði á þjónustunni, sem gæti leitt til verðhækkana.

Færri þjónustuþegar en meiri stofnanakaup

Í minnisblaðinu er einnig fjallað um þróun þjónustunnar síðustu ár. Fjöldi þjónustuþega sem fá heimsendan mat hefur fækkað um 25% frá árinu 2022. Á sama tíma hefur fjöldi starfsmanna stofnana sveitarfélagsins sem kaupa mat í gegnum S.B. Heilsu ehf. tvöfaldast.

Í niðurstöðu sinni þakkar bæjarráð upplýsingarnar, en engar ákvarðanir voru teknar í málinu á fundinum.

Nýjustu fréttir

Samgöngur

Bæjarráð ræddi stöðu dýpkunarmála í Landeyjahöfn

Menntamál

Birting á námsframvindu barna í lesskilningi, stærðfræði og lesfimi

Áhugavert

Undankeppni Stíls á morgun

Fréttaskýring

Versnandi afkoma bæjarins

Úr blaði Eyjafrétta

Nýtt líf og Leikfélag Vestmannaeyja

Fréttir

Tveir dæmdir eftir þjófnað úr dósagámi ÍBV

Fréttatilkynning

Aglow samvera í kvöld

Myndband

Ísfélagið komið með tvo þriðju af loðnukvótanum

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Mikill munur á niðurgreiðslum sveitarfélaga

Víða endurskoðun í gangi

Samningi sagt upp – nýtt útboð framundan

Færri þjónustuþegar en meiri stofnanakaup

Nýjustu fréttir

Góð ráð fyrir siglingu

Sjóveiki