Sannkallaður stórleikur fór fram á Kópavogsvelli í kvöld þegar Breiðablik mætti ÍBV en liðin voru í 2. og 3. sæti fyrir leikinn. Leikurinn fór frekar rólega af stað og kom ekki fyrsta skot ÍBV fyrr en eftir 15. mínútur. Fyrsta alvöru færi Eyjakvenna kom minútu síðar þegar Sísí Lára sendi boltan á Shaniku Gordon sem átti skot rétt framhjá. ÍBV sóttu í sig veðrið og fyrsta mark leiksins leit dagsins ljós á 22. mínútu. Þórhildur Ólafsdóttir átti þá góða sendingu á Gordon og hún renndi boltanum i fjærhornið og staðan orðin 0-1.