Nýir tog­ar­ar Hraðfrysti­húss­ins Gunn­var­ar í Hnífs­dal og Vinnslu­stöðvar­inn­ar í Vest­manna­eyj­um verða sjó­sett­ir í skipa­smíðastöðinni í Rongcheng í Kína á morg­un.

Skip­in eru smíðuð sam­hliða og hafa þegar fengið nöfn­in Páll Páls­son ÍS og Breki VE. Skip­in eru smíðuð eft­ir ís­lenskri hönn­un og verða af­hent nýj­um eig­end­um í sum­ar.

Ein­ar Val­ur Kristjáns­son, fram­kvæmda­stjóri HG, seg­ir að mik­il breyt­ing verði með til­komu nýja skips­ins, en tog­ar­inn Páll Páls­son verður tek­inn úr rekstri. Hann var smíðaður í Jap­an fyr­ir Hraðfrysti­húsið í Hnífs­dal og kom til lands­ins 1973. Nýju skip­in eru 50,7 metr­ar að lengd og 12,8 metra breið. Vegna ný­stár­legr­ar hönn­un­ar á skrokk­um skip­anna og mun stærri skrúfu held­ur en nú tíðkast á þess­ari stærð skipa er áætlað að þau hafi um 60% meiri veiðigetu en þau skip sem þau leysa af hólmi án þess að eyða meiri olíu. �?etta birtist á mbl.is í morgun.