Tekin hefur ákvörðun að fella niður allar ferðir Herjólfs fyrri part föstudags vegna veðurs. Þetta kemur fram í tilkynningu frá Herjólfi ohf. Ákvörðun sem þessi er alltaf tekin með hagsmuni farþega og áhafnar í huga. Farþegar sem áttu bókað eru beðnir um að hafa samband við skrifstofu Herjólfs til þess að færa bókun sína.

Hvað varðar siglingar seinni part dagsins þá stefnir Herjólfur til Þorlákshafnar samkvæmt eftirfarandi áætlun:

• Brottför frá Vestmannaeyjum kl 16:00 (áður kl 17:00).
• Brottför frá Þorlákshöfn kl 19:45 (áður kl 20:45).

Aðrar ferðir hafa verið felldar niður.

Á þessum árstíma er alltaf hætta á færslu milli hafna og því ekki æskilegt að skilja eftir farartæki í annarri hvorri höfninni. Þeir farþegar sem ætla sér að nýta gistirými ferjunnar eru minntir á að þeir þurfa að koma með sinn eiginn búnað.