Félagarnir í Eyjabíltlunum þeir Viðar Lennon Togga, Sir Biggi Nielsen McCartney, Grétar Ringó Starr, Þröstur Harrison héldu tónleika á Háaloftinu í gærkvöldi. Meðal þess sem var boðið uppá voru óborganlegir brandarar, spurningakeppni í hléi þar sem sigurvegarinn vann konfektkassa og áritaða mynd af Eyjabítlunum og að sjálfsögðu Bítlalögin orginal. Það var mjög góð stemmning á Háaloftinu sem var fullt af fólki. Þegar tónleikunum lauk var tilkynnt að um síðustu tónleika hljómsveitarinnar væri að ræða en Viðar bætti við að come back væri hugsanlegt ef það kæmi gott tilboð.