Eftir nauman sigur á Stjörnunni í átta liða úrslitum í bikarnum á útvivelli sýndu Eyjakonur klærnar þegar þær mættu Stjörnukonum í Olísdeildinni í kvöld. Unnu sex marka sig­ur, 30:24 og var munurinn síst of mikill því mestur var hann tíu mörk, 24:14. Er þetta 13. sigur ÍBV í röð.

ÍBV er tveimur stigum á eftir Val í baráttunni um toppsætið og á leik til góða. Liðin mætast í næsta heimaleik ÍBV sem gæti orðið hreinn úrslitaleikur um deildarmeistaratitilinn. Næst mætir ÍBV HK á útvelli.

Markahæstar hjá ÍBV voru Birna Berg með sex mörk, Sunna og Harpa Valey með fimm mörk hvor. Marta varði tólf skot.

Marki fagnað.

Mynd Sigfús Gunnar.