Eyjamenn töpuðu síðasta leik tímabilsins
Eyjamenn fagna marki Vicente Valor sl. sumar. Ljósmynd/Sigfús Gunnar Guðmundsson.

Karlalið ÍBV í fótbolta tók á móti KA í 27. umferð Bestu deildar karla á Hásteinsvelli í dag. Leiknum lauk með 3-4 sigri KA manna. Leikurinn var hinn fjörugasti og var það Vicente Valor sem skoraði fyrsta mark leiksins á 23. mínútu. Oliver Heiðarsson renndi boltanum á Vicente sem lagði boltann snyrtilega í fjærhornið. Það tók KA ekki langan tím að jafna leikinn en aðeins mínútu síðar smellti Ingimar Torbjörnsson Stöle boltanum í fjærhornið. Tveimur mínútum síðar kom Hermann Þór Ragnarsson Eyjamönnum yfir á nýjan leik eftir frábæran undirbúning Vicente Valor. Tíu mínútum fyrir hálfleiksflautið fengu KA menn víti sem Hallgrímur Mar steingrímsson skoraði úr af miklu öryggi. Staðan 2-2 í hálfleik.

Það voru aðeins þrjár mínútu liðnar af seinni hálfleik þegar KA menn tóku forystu á nýjan leik. Hallgrímur Mar tók þá hornspyrnu á nærsvæðið, Ásgeir Sigurgeirsson framlengdi boltanum á fjær þar sem Markús Máni Pétursson var einn og óvaldaður og skallaði boltann í netið. Á 70. mínútu náðu Eyjamenn að jafna leikinn þegar Sigurður Arnar átti algjört draumaskot sem small í fjærhorninu. Á 86. Mínútu þurfti Oliver Heiðarsson að fara meiddur af velli og þurftu Eyjamenn því að leika einum manni færri síðustu mínútur leiksins. KA menn voru töluvert líklegri til að klára leikinn og á 93. mínútu kom Birnir Snær Ingason KA yfir eftir undirbúning Dags Inga Valssonar. Lokatölur leiksins 3-4 fyrir KA. 

Eyjamenn ljúka keppni í Bestu deildinni í 9. sæti með 33 stig. KA menn enda tímbilið í 7. sæti með 39 stig. Vestri og Afturelding féllu úr Bestu deildinni. KR sigraði Vestra 1-5 fyrir vestan og Skagamenn fóru upp fyrir Eyjamenn með 1-0 sigri á Aftureldingu. 

Nýjustu fréttir

Fréttir
Ekkert áframhaldandi flug
Úr blaði Eyjafrétta
Aleksandar Linta nýr þjálfari Eyjamanna 
Aðsent
Ágúst Gísli kom, sá og sigraði
Aðsend grein
Fótboltaskóli ÍBV og Heildverslun Karls Kristmanns
Fréttir
Gestum boðið upp á kaffi og köku í sundlauginni
Sjávarútvegur
Landað fyrir páskastopp
Fréttir
Sundlaugin opnar á ný
Íþróttir
ÍBV úr leik eftir tap á Akureyri
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.