Fyrstu tölur eru komnar úr talningu í prófkjöri Sjálfstæðisflokksins í Vestmannaeyjum þar sem ákveðið verður hvernig framboðslisti flokksins verður skipaður fyrir komandi kosningar. Alls gáfu fjórtán einstaklingar kost á sér í prófkjörinu en kosið er um efstu sæti listans.

Utankjörfundaratkvæðagreiðslu lauk í gærkvöldi og nýtti fjöldi kjósenda sér þann möguleika. Samtals kusu 494 utankjörfundar.

Á kjörskrá eru 1.672. Samkvæmt upplýsingum frá kjörstjórn kusu 1.178 í prófkjörinu sem jafngildir 70,5% kjörsókn.

Uppfært: kl. 00.45

Nú hafa 696 atkvæði verið talin.

• Eyþór Harðarson er efstur með 429 atkvæði í 1. sæti eða 61,6%.
• Í öðru sæti er Trausti Hjaltason með 277 atkvæði í 1. – 2. sæti eða 39,8%.
• Í þriðja sæti er Aníta Jóhannsdóttir með 289 atkvæði í 1. – 3. sæti eða 41,5%.
• Í fjórða sæti er Óskar Jósúason með 298 atkvæði í 1. – 4. sæti eða 42,8%.
• Í fimmta sæti er Kjartan Vídó Ólafsson með  320 atkvæði í 1. – 5. sæti eða 46%
• Í sjötta sæti er Hildur Sólveig Sigurðardóttir með 350 atkvæði í 1. – 6. sæti eða 50,3%
• Í sjöunda sæti er Margrét Rós Ingólfsdóttir með 333 atkvæði í 1. – 7. sæti eða 47,8%.
• Í áttunda sæti er Ármann Halldór Jensson með 435 atkvæði í 1. – 8. sæti eða 62,5%

Eyjafréttir munu uppfæra fréttina þegar næstu tölur berast. Óskar Pétur Friðriksson, ljósmyndari Eyjafrétta leit við á kosningavökunni í Akóges í kvöld og má sjá myndir frá honum hér að neðan.