Á fjölmennum fundi fulltrúaráðs Sjálfstæðisfélaganna í dag var tillaga kjörnefndar um framboðslista flokksins fyrir bæjarstjórnarkosningarnar 16. maí nk. samþykkt samhljóða. Þeir fundarmenn sem tjáðu sig á fundinum lýstu yfir mikilli ánægju með hversu fjölbreyttur og öflugur hópur fólks skipaði listann, segir í tilkynningu.
Listinn er þannig skipaður:
- Eyþór Harðarson, 62 ára, útgerðarstjóri
- Trausti Hjaltason, 43 ára, áhættustjóri
- Aníta Jóhannsdóttir, 34 ára, viðskiptafræðingur
- Óskar Jósúason, 47 ára, upplýsingafulltrúi
- Hildur Sólveig Sigurðardóttir, 43 ára, sjúkraþjálfari
- Kjartan Vídó Ólafsson, 47 ára, fulltrúi á umhverfissviði
- Rannveig Ísfjörð, 36 ára, byggingafulltrúi
- Ármann Halldór Jensson, 33 ára, bílstjóri
- Guðbjörg Sól Sindradóttir, 21 árs, starfsmaður íbúðarkjarna
- Hannes Kristinn Sigurðsson, 41 árs, innkaupastjóri
- Ragnheiður Lind Geirsdóttir, 38 ára, sjúkraliði
- Þóra Guðný Arnarsdóttir, 27 ára, sjávarútvegsfræðingur
- Garðar B. Sigurjónsson, 33 ára, framkvæmdastjóri
- Guðríður Jónsdóttir, 54 ára, grunnskólakennari
- Magnús Stefánsson, 42 ára, handknattleiksþjálfari
- Guðný Rún Gísladóttir, 18 ára, framhaldsskólanemi
- Jason Stefánsson, 19 ára, bókari
- Elísabet Arnoddsdóttir, 83 ára, hjúkrunarfræðingur
Á fundinum kom fram að mikill einhugur, samstaða og baráttuhugur er í sjálfstæðismönnum nú þegar þeir eru að hefja formlega kosningabaráttu sína fyrir bæjarstjórnarkosningarnar, segir að endingu í tilkynningu frá Sjálfstæðisflokknum.